Posts By: admin

វគ្គបណ្តុះ​បណ្តាល​លើ​ប្រព័ន្ធ​គ្រប់​គ្រង​អាជីវ​កម្ម​អគ្គិសនី​ឆ្នាំ​២០១៧​

  ចាប់ពីឆ្នាំ២០១១មក អាជ្ញាធរអគ្គិសនីកម្ពុជាបានរៀបចំប្រព័ន្ធគ្រប់គ្រងអាជីវកម្មអគ្គិសនី និងបំពាក់ជូនអ្នកកាន់អាជ្ញាបណ្ណចែកចាយទាំងអស់ក្នុងព្រះរាជាណាចក្រកម្ពុជា ដើម្បីឲ្យអ្នកកាន់អាជ្ញាបណ្ណទាំងអស់មានប្រព័ន្ធព័ត៌មានវិទ្យារួមមួយ ដែលទទួលស្គាល់ដោយអាជ្ញាធរអគ្គិសនីកម្ពុជា សម្រាប់គ្រប់គ្រងសេវាកម្មអគ្គិសនីរបស់ខ្លួនឲ្យកាន់តែមានប្រសិទ្ធភាពខ្ពស់ និងងាយស្រួលក្នុងការធ្វើរបាយការណ៍ជូនអាជ្ញាធរអគ្គិសនីឲ្យបានទៀងទាត់ និងត្រឹមត្រូវ។ ថ្ងៃទី២១ ២២ ខែសីហា ឆ្នាំ២០១៧នេះ នៅសណ្ឋាគារ អង្គរ រីវៀរ៉ា ក្រុងសៀមរាប អាជ្ញាធរអគ្គិសនីកម្ពុជា បានបន្តរៀបចំបន្ថែមនូវកម្មវិធីមួយទៀតលើប្រព័ន្ធនេះគឺ កម្មវិធីគ្រប់គ្រងផែនទីបណ្តាញចែកចាយថាមពលអគ្គិសនី ដែលក្នុងនោះអាជ្ញាធរអគ្គិសនីកម្ពុជាមានគោលដៅធំៗពីរគឺ៖ ទី០១ ៖ ជួយសម្រួលដល់អ្នកកាន់អាជ្ញាបណ្ណក្នុងការរៀបចំគូសផែនទីបណ្តាញចែកចាយអគ្គិសនីរបស់ខ្លួន ដើម្បីងាយស្រួលក្នុងការគ្រប់គ្រង បញ្ជីចលនទ្រព្យរបស់ខ្លួន ក៏ដូចជាងាយស្រួលក្នុងការកំណត់ទីតាំងប្រើប្រាស់របស់អតិថិជនរបស់ខ្លួនឲ្យបានច្បាស់លាស់។ ទី០២ ៖ អាជ្ញាធរអគ្គិសនីកម្ពុជានឹងប្រមូលទិន្នន័យស្តីពី ការរៀបចំបណ្តាញចែកចាយអគ្គិសនីរបស់អ្នកកាន់អាជ្ញាបណ្ណ ចែកចាយទូទាំងប្រទេស រួចធ្វើការសរុប និងប្រៀបធៀប ដើម្បីជំរុញការអភិវឌ្ឍបណ្តាញអគ្គិសនីឲ្យបានទាន់ពេលវេលាស្របតាមផែនការរបស់រាជរដ្ឋាភិបាល។    

កិច្ច​ប្រជុំ​​ផ្សព្វផ្សាយ​ តម្កល់​ឯកសារ​ពិគ្រោះ​យោបល់​​លើ​គម្រោង​បញ្ចុះ​អត្រា​ថ្លៃ​ផ្គត់ផ្គង់​អគ្គិសនី​នៅ​តំបន់​ចំនួន​ ៧ ​នៅ​ខេត្ត​ព្រះ​វិហារ​

  នៅ​សាលា​ខេត្ត​ព្រះវិហារ ​ថ្ងៃ​ទី​១៧ ​ខែសីហា ​ឆ្នាំ២០១៧ ​ក្រោម​អធិបតី​ភាព​ឯកឧត្តម​ លី សារ៉ារិទ្ធិ​ អភិបាល​រង​ខេត្ត ​ក្រុម​ការងារ​អាជ្ញា​ធរ​អគ្គិសនីកម្ពុជា​ ក្រុម​ការងារ​អគ្គិសនីកម្ពុជា​ តំណាង​មន្ទីររ៉ែ ​និង​ថាមពល​ តំណាង​អាជ្ញាធរដែនដី ​និង​អ្នក​ផ្គត់ផ្គង់​អគ្គិសនី ​បាន​ប្រជុំផ្សព្វផ្សាយ ​តម្កល់​ឯកសារ​ពិគ្រោះ​យោបល់​លើ​គម្រោង​បញ្ចុះអត្រា​ថ្លៃ​ផ្គត់​ផ្គង់​អគ្គិសនី​នៅ​តំបន់​ចំនួន ៧ ​ដែល​ភ្ជាប់​ពី​ខ្សែ​បញ្ជូន​រង​របស់អគ្គិសនីកម្ពុជា ​និង​ក្រុមហ៊ុន​ ប៊ី.វី៎.ស៊ី​ កំពុង​ទទួល​ប្រភព​អគ្គិសនី​ពីប្រទេសឡាវ​ នៅ​ខេត្តព្រះវិហារ ​និង​លើក​ឡើង​បញ្ហាប្រឈម ​និង​ដំណោះស្រាយ​ ពាក់ព័ន្ធនឹង​ការ​ផ្គត់ផ្គង់​អគ្គិសនី​៕

ការ​ជួប​ប្រជុំ​ពិភាក្សា ដោះ​ស្រាយ​បញ្ហា ​ការ​ប្រើ​ប្រាស់​ថាមពល​ និង​ផ្ទៀងផ្ទាត់​នាឡិកាស្ទង់​អគ្គិសនី​ស្ថិតនៅ ​ភូមិគោកឃ្លាង​ សង្កាត់គោកឃ្លាង ​ខណ្ឌសែនសុខ​

  ថ្ងៃ​ទី១០ ​ខែ​សីហា​ ឆ្នាំ​២០១៧​ ក្រុម​ការងារ​អាជ្ញាធរអគ្គិសនីកម្ពុជា​ រួម​សហការ​ជាមួយ​ មន្ទីររ៉ែ ​និង​ថាមពល​ អគ្គិសនី​កម្ពុជា ​អាជ្ញាធរមូលដ្ឋាន​ បាន​ចុះមកជួបប្រជុំពិភាក្សា​ ដោះស្រាយបញ្ហា​ ការ​ប្រើ​ប្រាស់​ថាមពល ​និង​ផ្ទៀងផ្ទាត់​នាឡិកា​ស្ទង់​អ​គ្គិសនី​ជូន​អ្នក​ប្រើប្រាស់​ដែល​បាន​ដាក់​​​​ពាក្យ​ស្នើ​សុំ​ពិ​និត្យ ​និង​ផ្ទៀងផ្ទាត់​នាឡិកា​ស្ទង់​អ​គ្គិសនី​មក​កាន់​អាជ្ញាធរអគ្គិសនីកម្ពុជា ​ដោយ​សង្ស័យថា​ នាឡិកា​ស្ទង់​អគ្គិសនី​រ​បស់​ពួក​គាត់​ដើរ​មិន​ប្រក្រតី ​ស្ថិត​នៅ​ភូមិគោកឃ្លាង​ សង្កាត់គោកឃ្លាង​ ខណ្ឌសែនសុខ​។ ជា​លទ្ធផល​នៃ​ការ​ថ្លឹង​ផ្ទៀងផ្ទាត់​នាឡិកាស្ទង់​អគ្គិសនី​បានចំនួន ​២​គ្រឿង​ ដើ​រ​ត្រឹមត្រូវ​ក្នុង​ស្តង់​ដាកំណត់ ​(+២%,​ -២%)ទាំងអស់​។    

សេចក្តី​ជូន​ដំណឹង​ដល់​ប្រជាពលរដ្ឋ​រស់នៅ​ ឃុំគគីរ​ ស្រុកកៀនស្វាយ​ ខេត្តកណ្តាល​

  អាជ្ញាធរអគ្កិសនីកម្ពុជា​សូម​ជូន​ដំណឹង​ដល់​ប្រជាពលរដ្ឋ​រស់​នៅ​ ឃុំគគីរ ​ស្រុកកៀនស្វាយ ​ខេត្តកណ្តាល ​ឲ្យ​បាន​ជ្រាប​ថា​ ក្រុម​ការងារ​អាជ្ញាធរអគ្គិសនីកម្ពុជា ​បាន​ទៅ​ប្រចាំការ​ ​នៅ​វត្ត​ដូន​ស ​ឃុំគគី​រ រយៈពេលពីថ្ងៃ​ គឺ​ថ្ងៃ​ទី​០៨​ និង​០៩ ​ខែសីហា​ ដើម្បី​ផ្ទៀងផ្ទាត់​នាឡិកាស្ទង់​ជូន​ប្រជាពលរដ្ឋ​នៅតំបន់នោះ​ ។ អាស្រ័យដូច​បាន​ជំរាប​ជូន​ខាងលើ​ បើ​អ្នក​ប្រើប្រាស់​មាន​ការសង្ស័យ​នាឡិកា​ស្ទង់​រ​បស់​ខ្លួន​ដើរ​មិន​ប្រក្រតី​ សូម​អញ្ជើញ​ទៅ​ទាក់ទង​ក្រុម​​ការងារដើម្បី​ដោះ​យក​មក​ផ្ទៀងផ្ទាត់​ជូន​ដោយ​ឥត​គិតថ្លៃ​ សូមអរគុណ​ ។  

ការ​​ចុះ​​ត្រួត​ពិនិត្យ​​ និង​​ផ្ទៀងផ្ទាត់​​នាឡិកា​​អគ្គិសនី​​ជូន​​អ្នក​​ប្រើប្រាស់​នៅ​​ ឃុំដំណាក់អំពិល​ ស្រុកអង្គស្នួល​ ខេត្តកណ្តាល​

  អាជ្ញាធរអគ្កិសនីកម្ពុជាសូមជូនដំណឹងដល់ប្រជាពលរដ្ឋរស់នៅ ឃុំដំណាក់អំពិល ស្រុកអង្គស្នួល ខេត្តកណ្តាល ឲ្យបានជ្រាបថា ក្រុមការងារអាជ្ញាធរអគ្គិសនីកម្ពុជា បានទៅប្រចាំការ​ នៅសាលាឃុំដំណាក់អំពិល រយះពេលបីថ្ងៃ គឺថ្ងៃទី24 ;25 និង26 ខែកក្កដា ដើម្បីផ្ទៀងផ្ទាត់នាឡិការស្ទង់ជូនប្រជាពលរដ្ឋនៅតំបន់នោះ ។ អាស្រ័យដូចបានជំរាបជូនខាងលើ បើអ្នកប្រើប្រាស់មានការសង្ស័យនាឡិកាស្ទង់របស់ខ្លួនដើរមិនប្រក្រតី សូមអញ្ជើញទៅទាក់ទងក្រុមការងដើម្បីដោះយកមកផ្ទៀងផ្ទាត់ជូនដោយឥតគិតថ្លៃ សូមអរគុណ ។      

ការ​ផ្ទៀងផ្ទាត់​នាឡិការ​ស្ទង់​អគ្គិសនី​

ព្រឹក​ថ្ងៃ​ទី២១​ ខែ​កក្កដា ​ឆ្នាំ​២០១៧​ នៅ​អាជ្ញាធរអគ្កិសនីកម្ពុជា​ មាន​អ្នក​ប្រើប្រាស់​ចំនួន​ពីរ​រូប​បានយក​នាឡិការស្ទង់​អគ្គិសនី​មក​ផ្ទៀងផ្ទាត់​ ដោយ​មាន​ការ​ចូលរួ​ម​ពី​តំណាង​ក្រុមហ៊ុន​អគ្គិសនី ​ជ្រៃលាស់ ​និង​ក្រុម​ការងារ​អាជ្ញាធរអគ្គិសនីកម្ពុជា។​ ជា​លទ្ធផល​នៃ​ការផ្ទៀងផ្ទាត់​នាឡិកា​ស្ទង់​អគ្គិសនី​ទាំងប្រាំ​មួយគ្រឿង​ បាន​បង្ហាញ​ឃើញថា ​នាឡិកាស្ទង់​អគ្គិសនី​ទាំង​ប្រាំ​មួយ​គ្រឿង​ដើរ​ត្រឹម​ត្រូវ​តាម​ស្តង់​ដាកំណត់ ​(+2%, -2%) ​ទាំងអស់​ ហើយ​ពួក​គាត់​ក៏​បាន​អស់​សង្ស័យ​លើនាឡិកាស្ទង់​អគ្គិសនី​របស់គាត់ ​និង​សូម​ថ្លែង​អំណ​គុណ​ដល់​អាជ្ញាធរអគ្កិសនីកម្ពុជា។      

ការ​ពិគ្រោះ​យោបល់​កំណត់​ថ្លៃ​លក់​អគ្គិសនី​ឲ្យ​អតិថិជន​ពាណិជ្ជកម្ម​ ឧស្សាហកម្ម​ ក្នុង​តំបន់​ចែក​ចាយ​របស់​អគ្គិសនី​កម្ពុជា​នៅ​ខេត្តស្វាយរៀង​

​ ថ្ងៃ​ទី​១​៧​ ខែ​កក្កដា ​ឆ្នាំ​២០១៧​ ៖ ​នៅ​សាលា​ក្រុង​ស្វាយរៀង​ និង​សាលា​ក្រុងបាវិត ​ក្រុម​ការងារ​អាជ្ញាធរ​អគ្គិសនីកម្ពុជា ​និង​ក្រុម​ការងារ​អគ្គិសនីកម្ពុជា​ ចុះ​ទៅផ្សព្វផ្សាយ ​តម្កល់​ឯកសារ​ពិគ្រោះ​យោបល់​កំណត់​ថ្លៃ​លក់​អគ្គិសនី​ឲ្យ​អតិថិជន​ពាណិជ្ជកម្ម ​ឧស្សាហកម្ម​ ក្នុង​តំបន់​ចែកចាយ​របស់​អគ្គិសនីកម្ពុជា​នៅ​ ខេត្តស្វាយរៀង ៕     ​​    ​​

កិច្ច​ប្រជុំ​ពិនិត្យ​ និង​​ដោះ​ស្រាយ​បញ្ហា​រអាក់​រអួល​​ការ​ផ្គត់ផ្គង់​អគ្គិសនី​នៅ​ទី​រួម​ខេត្ត​កំពង់ធំ​

ដោយ​​ពិនិត្យ​​ឃើញ​​ថា​ ​ការ​​ផ្គត់ផ្គង់​​អគ្គិសនី​​នៅ​​តំបន់​​ទី​រួ​​ម​ខេត្ត​​កំពង់ធំ ​​នា​​រយៈ​​ពេល​​ប៉ុន្មាន​សប្តាណ៍​​ចុង​​ក្រោយ​នេះ ​​មាន​​ការ​​រអាក់រអួល​​ញឹកញាប់​ ​នៅ​​ព្រឹក​​ថ្ងៃទី១៣ ​​ខែកក្កដា ​​ឆ្នាំ២០១៧ ​​ឯកឧត្តម យឹម វិសិដ្ឋ ​សមាជិកទី១​នៃ​អាជ្ញាធរអគ្គិសនីកម្ពុជា​បាន ​រៀបចំ​កិច្ចប្រជុំ១ ​ដើម្បីពិនិត្យ ​និង​ដោះស្រាយ​បញ្ហា​ខាងលើ​ ដោយ ​មាន​ការ​ចូលរួម​ពី​តំណាង​មន្ទីររ៉ែ​ និង​ថាមពល​ខេត្ត កំពង់ធំ​, តំណាង អគ្គិសនីកម្ពុជា​, តំណាងក្រុមហ៊ុន ប៊ីវីស៊ី ​និង​ តំណាងក្រុមហ៊ុន ខេម ជីលបូ ​។ បន្ទាប់​ពី​ការពិភាក្សា​គ្នា​រួចមក ​អង្គ​ប្រជុំ​បាន​ពិនិត្យ​ឃើញថា​ ត្រូវ​ត្រួត​ពិនិត្យ​លក្ខខណ្ឌ​បច្ចេកទេស​នៅ​លើ​ខ្សែ​បណ្តាញ​ដែល​បញ្ជូន ​ប្រភព​អគ្គិសនី​ពី​ខេត្តសៀមរាប​ និង​កែ​សម្រួល​បន្ទុុក​ប្រើប្រាស់​នៅ​ ទីរួមខេត្តកំពង់ធំ ​ឡើងវិញ​ ។ ​​​​​​​​​​​​​​​​​​​​​​​​    

ក្រុម​ការងារ​អាជ្ញា​ធរ​អគ្គិសនី​កម្ពុជា ​សហការ​ជាមួយ​មន្ទីររ៉ែ​ និង​ថាមពល​ខេត្ត ​ចុះ​ពិនិត្យ​ការ​ធ្វើ​សេវាកម្ម​អគ្គិសនី​របស់​សេវាករ​នៅ​ខេត្តព្រះវិហារ​

  ខេត្តព្រះវិហារ ថ្ងៃទី១០ និង ១១ ខែកក្កដា ឆ្នាំ២០១៧ ក្រុមការងារអាជ្ញាធរអគ្គិសនីកម្ពុជា សហការជាមួយមន្ទីររ៉ែ និងថាមពលខេត្ត បានចុះទៅកាន់ឃុំចំរើន ស្រុកសង្គមថ្មី និងទៅកាន់ឃុំភ្នំត្បែង២ ស្រុកគូលែន ដើម្បីពិនិត្យការធ្វើសេវាកម្មអគ្គិសនីរបស់សេវាករ ទៀង បូនីកា និងសេវាករ ហ៊ុយ ដានីន លើបច្ចេកទេសផ្គត់ផ្គង់អគ្គិសនី និងថ្លៃសេវានានា ។ នៅសាលាឃុំចំរើន និងនៅសាលាឃុំភ្នំត្បែង២ ក្រុមការងារបានសាកសួរអ្នកប្រើប្រាស់ និងអាជ្ញាធរភូមិឃុំ អំពីការលំបាក និងបញ្ហាប្រឈមនានាក្នុងការប្រើប្រាស់អគ្គិសនីនាពេលកន្លងមក ហើយបានអនុញ្ញាតឲ្យលើកឡើងជាសំណួរ ក៏ដូចជាសំណូមពរនានា ។ ក្រោយពីបានស្តាប់ការបកស្រាយរបស់ក្រុមការងារយ៉ាងក្បោះក្បាយរួចមក អាជ្ញាធរភូមិឃុំ និងអ្នកប្រើប្រាស់មានការយល់ដឹងច្រើន និងសន្យាជួយផ្សព្វផ្សាយបន្តដល់អ្នកប្រើប្រាស់ផ្សេងទៀត ។