អត្ថបទ៖ ព័ត៌មាន

ការ​ចុះ​ត្រួត​ពិនិត្យ និង​ធ្វើ​តេស្ត​នាឡិកា​ស្ទង់​នៅ​តំបន់​ធ្វើ​សេវាកម្ម​អគ្គិសនី​របស់​ក្រុម​ហ៊ុន អឹម អេស ភី នៅ​ឃុំ​ស្ទឹង​កាច់ ស្រុក​សា​លា​ក្រៅ ខេត្ត​ប៉ៃ​លិន

កាលពីថ្ងៃទី២៧ ដល់ថ្ងៃទី២៩ ខែមេសា ឆ្នាំ២០១៥ មន្ត្រី​អាជ្ញាធរ​អគ្គិសនី​កម្ពុជា​ចំនួន​ ០៣រូប បាន​ចុះ​ទៅ​ដល់​ទី​តាំង​ធ្វើ​សេវាកម្ម​អគ្គិសនី​របស់​ក្រុម​ហ៊ុន អឹម អេស ភី ខូ​អិល​ធី​ឌី ស្ថិត​នៅ​ភូមិ​ផ្សារ​ព្រំ ឃុំ​ស្ទឹង​កាច់ ស្រុក​សា​លា​ក្រៅ ខេត្ត​ប៉ៃ​លិន ជាប់​ព្រំ​ប្រទល់​កម្ពុជា-ថៃ មាន​ចម្ងាយ ៣៩១ គីឡូម៉ែត្រ​ពី​រាជ​ធានី​ភ្នំ​ពេញ ដើម្បី​ពិនិត្យ និង​ធ្វើ​តេស្ត​នាឡិកា​ស្ទង់ តាម​ការ​ស្នើ​សុំ​របស់​ប្រជា​ពលរដ្ឋ​ចំនួន​៨០គ្រួសារ ។ តំណាងប្រជាពលរដ្ឋបានលើកឡើង​ថា ពួក​គាត់​បាន​ប្រើ​ប្រាស់​អគ្គិសនី​របស់​ក្រុម​ហ៊ុន អឹម អេស ភី នេះ ចំនួន​ជាង​១០ឆ្នាំ​មក​ហើយ មិន​ដែល​មាន​បញ្ហា​អ្វី​នោះ​ទេ គឺ​ទើប​តែ​នៅ​ខែមីនា ឆ្នាំ២០១៥ នេះ ស្រាប់​តែ​វិក្ក័យ​បត្រ​អគ្គិសនី​របស់​ពួក​គាត់ មាន​ការ​កើន​ឡើង​ខុស​ប្រក្រតី​ពី២-៣ដង លើស​ពី​ខែ​មុន (ខែកុម្ភៈ) ។ ពួក​គាត់​បាន​បន្ថែម​ទៀត​ថា បើ​ថ្លៃ​ភ្លើង​កើន​ឡើង​ច្រើន​ម្លឹង​ៗ តើ​ឲ្យ​ពួក​គាត់​ទៅ​រក​លុយ​បង់​ថ្លៃ​ភ្លើង​ឯ​ណា​បាន​ ? ជា​រួម ប្រជា​ពលរដ្ឋ​ចង់​ដឹង​តែ​មួយ​មុខ​គត់​គឺ តើ​ហេតុ​អ្វី​ខែ​មីនា​នេះ បរិមាណ​ថាម​ពល​ប្រើ​ប្រាស់​មាន​ការ​កើន​ឡើង​ខុស​ប្រក្រតី​ខ្លាំង​ម៉្លេះ? និង​ថា​តើ​ការ​បង់​ប្រាក់​របស់​ពួក​គាត់​គិត​យ៉ាង​ម៉េច? បើ​ឲ្យ​ពួក​គាត់​បង់​តាម​វិក្កយបត្រ​ដែល​ក្រុម​ហ៊ុន​ចេញ​ឲ្យ​នោះ ពួក​គាត់​គ្មាន​ប្រាក់​បង់​នោះ​ទេ ។ តំណាងក្រុមហ៊ុនបានមានប្រសាសន៍ថា តាម​ធម្មតាក្រុម​ហ៊ុន​តែង​តែ​កត់​ត្រា​បរិមាណ​ថាម​ពល​ប្រើ​ប្រាស់​នៅ​ថ្ងៃ​ទី២៧ ជា​រៀង​រាល់​ខែ ។… អានបន្តរ »

ការចុះពិនិត្យដោះស្រាយបញ្ហាផ្គត់ផ្គង់អគ្គិសនី និងអត្រាថ្លៃសេវាអគ្គិសនី នៅក្នុងស្រុកដងទង់ និងស្រុកបន្ទាយមាស ខេត្តកំពត

នៅថ្ងៃទី២៩ ខែមេសា ឆ្នាំ២០១៥ នៅសាលាស្រុកដងទង់បានរៀបចំការប្រជុំពិភាក្សាដោះស្រាយបញ្ហាបណ្តាញផ្គត់ផ្គង់អគ្គិសនី និងថ្លៃប្រាក់កក់ធានាតភ្ជាប់ចរន្តនៅក្នុងស្រុកដងទង់ និងស្រុកបន្ទាយមាស ខេត្តកំពត ដោយមានការចូលរួមពីលោកអភិបាលរងស្រុកដងទង់ មន្ត្រីតំណាងអាជ្ញាធរអគ្គិសនីកម្ពុជា មន្ត្រីមន្ទីររ៉ែ និងថាមពលខេត្តកំពត តំណាងសេវាករ ចាន់ សុគីម តំណាងសហគ្រាសអគ្គិសនី ទូកមាស លោកមេឃុំ និងតំណាងអ្នកប្រើប្រាស់ ដែលមានវត្តមានសរុប ១៥នាក់។

វេទិកាសាធារណៈ នៃ​ក្រុម​ការ​ងារ​ថ្នាក់​ជាតិ​ចុះ​មូល​ដ្ឋាន​ដើម្បី​ពិ​និត្យ និង​គាំ​ទ្រ​ការ​អនុវត្ត​កម្ម​វិធី​ន​យោ​បាយ យុទ្ធ​សាស្ត្រ​ចតុ​កោណ​ដំណាក់​កាល​ទី៣​ របស់​រាជ​រដ្ឋា​ភិបាល​កម្ពុជា នៅ​ក្រុង​ពោធិ៍​សាត់ និង​ស្រុក​ក្រគរ ខេត្ត​ពោធិ៍​សាត់

នៅថ្ងៃទី១០ និងថ្ងៃ១១ ខែមីនា ឆ្នាំ២០១៥ ក្រុមការងារថ្នាក់ជាតិបានបើកវេទិកាសាធារណៈនៅភូមិសូរិយា សង្កាត់រលាប, ភូមិក្រាំងពភ្លាក់ សង្កាត់ស្វាយអាត់ ក្រុងពោធិ៍សាត់, វត្តបន្ទាយក្រង ភូមិបន្ទាយក្រង ឃុំអន្លង់ត្នោត ស្រុកក្រគរ និងនៅវត្តនាគគួច ភូមិកំពង់លើ ឃុំក្បាលត្រាច ស្រុកក្រគរ ដើម្បីចុះដោះស្រាយអោយទាន់ពេលវេលាដល់ប្រជាជន និងគោលដៅចង់អោយប្រជាជនលើកឡើងអំពីបញ្ហាដែលពាក់ព័ន្ធលើវិស័យសេវា សាធារណៈមានដូចជា៖ ការអប់រំ សុខាភិបាល ទឹក អគ្គិសនី ផ្លូវថ្នល់ ហិរញ្ញវត្ថុ និងមន្ត្រីដែលបម្រើការងារគ្រប់វិស័យមានការបម្រើជូនប្រជាជនបានល្អដែររឺទេ ពិសេសជាងនេះទៅទៀត គឺគោលនយោបាយ និងយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាល។

ការ​ចុះ​ពិនិត្យ និង​តាម​ដាន​ការ​អនុវត្ត​បច្ចេក​ទេស​ផ្គត់​ផ្គង់ និង​ថ្លៃ​​សេវាកម្ម​ពាក់​ព័ន្ធ​របស់​សេវាករ​នៅ​ខេត្ត​រតនគិរី

កាល​ពីថ្ងៃទី០២ ដល់ថ្ងៃទី០៦ ខែកុម្ភៈ ឆ្នាំ២០១៥ អាជ្ញាធរ​អគ្គិសនី​កម្ពុជា​​បាន​ចាត់​តាំង​មន្រ្តី​ចំនួន​ ៣រូប ​ឲ្យ​​ចុះ​​​ពិនិត្យ តាម​​ដាន​​ការ​អនុវត្ត​បច្ចេក​ទេស​ផ្គត់​ផ្គង់​អគ្គិសនី ថ្លៃ​សេវា​កម្ម​​ពាក់​ព័ន្ធ ចុះ​យក​​ព័ត៌​មាន​​ពី​អ្នក​ប្រើ​ប្រាស់ ​​និង​​ជួប​​​ជា​មួយ​អាជ្ញាធរ​មូល​ដ្ឋាន​របស់​សេវាករ​នៅ​​ខេត្ត​​រតនគិរី​​ដូច​ខាង​​ក្រោម ៖           ១-សេវា​​ករ ស៊ាង សុលីនដា កាន់អាជ្ញាប័ណ្ណលេខ ៣៨០ អ៖ ធ្វើ​សេវាកម្ម​អគ្គិសនី​នៅ​ផ្នែក​ខ្លះ​នៃ​ស្រុក​កូន​មុំ ខេត្ត​រតនគិរី ។ បច្ចុប្បន្ន​សេវាករ​មិន​ទាន់​បាន​ដំណើរ​ការ​ផ្គត់​ផ្គង់​អគ្គិសនី​នៅ​ឡើយ​ទេ តែ​សេវាករ​បាន​រៀប​បណ្តាញ​​ទាំង MV និង LV រួច​រាល់​​ហើយ តែ​នៅ​មិន​ទាន់​តម្លើង​រោង​ម៉ាស៊ីន ។ បន្ទាប់មកក្រុមបេសកកម្មបានជួបពិភាក្សាជាមួយ​អាជ្ញាធរ​មូល​ដ្ឋាន​ឃុំ​ត្រពាំង​ច្រេស និង​ប្រជា​ពលរដ្ឋ ហើយ​​​​​ទាំង​​អាជ្ញាធរ​​មូល​ដ្ឋាន និង​ប្រជា​ពលរដ្ឋ​បាន​សំណូមពរ​ដល់​អាជ្ញាធរ​អគ្គិសនី​កម្ពុជា ជំរុញ​ឲ្យ​សេវាករ​ឆាប់​​ធ្វើ​ការ​​ផ្គត់​​ផ្គង់​​អគ្គិសនី​ជូន​គាត់ ពេល​នោះ​សេវាករ​បាន​សន្យា​ចំពោះ​មុខ​អាជ្ញាធរ​អគ្គិសនី​កម្ពុជា​ថា​និង​ធ្វើ​ការ​ផ្គត់​ផ្គង់​​អគ្គិសនី​​នៅ​ចុង​​ខែមីនា ឆ្នាំ​២០១៥ ខាង​មុខ​នេះ ។          ២-សេវាករ សំរិទ្ធ ហន កាន់អាជ្ញាប័ណ្ណលេខ ២៩១ អ៖ ធ្វើ​សេ​វា​កម្ម​អគ្គិសនី​នៅ​ស្រុក​បរកែវ ខេត្ត​រតនគិរី ។ ក្រុម​បេសកកម្ម​បាន​ពិនិត្យ​ឃើញថា ផ្នែក​បណ្តាញ​អគ្គិសនី​សេវាករ​រៀប​ចំ​ទាំង MV និង LV បាន​ល្អ​តាម​ស្តង់ដា​​បច្ចេក​​ទេស​​អគ្គិសនី… អានបន្តរ »

វគ្គ​បណ្តុះ​បណ្តាល​ស្តី​ពី​ប្រព័ន្ធ​គណ​នេយ្យ​ឯក​ភាព​លើ​របាយ​ការណ៍​ហិរញ្ញ​វត្ថុ

នៅចុងឆ្នាំ២០១៤ និងដើមឆ្នាំ២០១៥នេះ អាជ្ញាធរអគ្គិសនីកម្ពុជាបានរៀបចំវគ្គបណ្តុះបណ្តាលស្តីពី “ប្រព័ន្ធគណនេយ្យឯកភាពលើរបាយការណ៍ហិរញ្ញវត្ថុ ដោយប្រើប្រាស់ប្រព័ន្ធកុំព្យូទ័រ” ដល់អ្នកកាន់អាជ្ញាប័ណ្ណ ចែកចាយអគ្គិសនីទូទាំងប្រទេសសរុបចំនួន៣៣៩នាក់ ដោយសហការជាមួយក្រុមហ៊ុន អ៊ី ផៅវ័រ ស៊ីស៊ីអិល (E-POWER CCL) ដែលក្នុងនោះ អ្នកកាន់អាជ្ញាប័ណ្ណទាំងអស់ត្រូវបែងចែកជាដប់បីក្រុមស្មើនឹងដប់បីវគ្គសិក្សា ដែលក្នុងមួយវគ្គៗ មានចំនួនពីរថ្ងៃ និងរៀបចំនៅទីតាំងចំនួនពីរផ្សេងគ្នា គឺនៅខេត្តព្រះសីហនុ និងខេត្តបាត់ដំបង។

អត្រា​ថ្លៃ​លក់​អគ្គិសនី​របស់​អ្នក​កាន់​អាជ្ញាប័ណ្ណ​ដែល​ត្រូវ​បាន​អាជ្ញាធរ​អគ្គិសនី​កម្ពុជា​កំណត់​ជាតារាង​ប្រែប្រួល​តាម​ថ្លៃ​ប្រេង​ឥន្ធនៈ​ សម្រាប់​ការ​ប្រើ​ប្រាស់​អគ្គិសនី​ក្នុង​ខែកុម្ភៈ​ ឆ្នាំ ២០១៥​

Copy of Lists of Permission Tariff by FAS.xls

ការចុះត្រួតពិនិត្យនាឡិកាស្ទង់នៅក្រុងពោធិ៍សាត់ ខេត្តពោធិ៍សាត់

កាលពីថ្ងៃទី២៥ ដល់ថ្ងៃទី២៧ ខែកុម្ភៈ ឆ្នាំ២០១៥ នៅឯមន្ទីររ៉ែ និង​ថាម​ពល ខេត្ត​ពោធិ៍​សាត់ មាន​ការ​ចុះ​ត្រួត​ពិនិត្យ និង​ថ្លឹង​នាឡិកា​ស្ទង់​ជូន​ប្រជា​ពលរដ្ឋ ដែល​ពួក​គាត់​សង្ស័យ​ថា​ដំណើរ​ការ​មិន​ប្រ​ក្រ​តី ដោយ​មាន​ការ​ចូល​រួម​ពី​លោក​ប្រធាន​មន្ទីររ៉ែ និង​ថាម​ពល តំណាង​សហ​គ្រាស ណារ៉េត លីមីតធីត អភិវឌ្ឍន៍​អគ្គិសនី តំណាង​ប្រជា​ពលរដ្ឋ​ជា​អ្នក​ប្រើ​ប្រាស់ និង​មន្រ្តី​ជំនាញ​របស់​អាជ្ញាធរ​អគ្គិសនី​កម្ពុជា ។

ពិធីសម្ពោធដាក់អោយដំណើរការជាផ្លូវការអនុស្ថានីយ៍​​អគ្គិសនី និងខ្សែបញ្ជូនអគ្គិសនី តង់ស្យុងខ្ពស់ ២៣០​​គីឡូវ៉ុល តាកែវ-កំពត និងខ្សែបញ្ជូនរង​តង់ស្យុង ២២គីឡូវ៉ុលតាកែវ -កំពត-កំពង់ស្ពឺ

នៅ​ថ្ងៃទី​២៦​ ខែកុម្ភៈ​ ឆ្នាំ២០១៥ អគ្គិសនីកម្ពុជាបានរៀប​ចំ​ពិធី​សម្ពោធ​ដាក់​អោយ​ប្រើ​ប្រាស់​ជា​ផ្លូវ​ការ​ នូវ​ប្រព័ន្ធ​ខ្សែ​បញ្ជូន​តង់​ស្យុង​ខ្ពស់​ ២៣០គីឡូវ៉ុល​ តាកែវ​-កំពត​ និង​ប្រព័ន្ធ​បណ្តាញ​តង់​ស្យុង​មធ្យម​ ២២គីឡូវ៉ុល​ ក្នុង​ខេត្ត​តាកែវ​ កំពត​ កំពង់​ស្ពឺ​ នៃគម្រោង​ខែ្ស​បញ្ជូន​តាកែវ​-កំពត​ និងគម្រោង​អគ្គិសនី​កម្ម​ជន​បទ​ភាគ​ខាង​ត្បូង​ប្រទេស​កម្ពុជា​ ក្នុង​ក្រប​ខ័ណ្ឌ​ជំនួយ​របស់​សាធារណ​រដ្ឋ​សហព័ន្ធ​អាឡឺម៉ង់​ តាម​រយៈ​ KfW នៅក្នុង​បរិវេណ​វត្ត​​ត្រពាំង​     ​អណ្តើក​​ ភូមិឬស្សីមួយគុម្ព ​ឃុំ​អូរ​សារាយ​ ស្រុក​ត្រាំកក់​ ខេត្ត​តាកែវ​ ក្រោម​អធិបតីភាពឯកឧត្តម អ៊ិត ប្រាំង រដ្ឋលេខាធិការក្រសួងរ៉ែ និង​ថាមពល​ តំណាងឯកឧត្តម ស៊ុយ​ សែម​ រដ្ឋមន្ត្រី​ក្រសួងរ៉ែ និង​ថាមពល​ និង​ឯកឧត្តម​ Joachim Baron von Marschall ឯកអគ្គរដ្ឋទូត​ នៃ​សាធារណរដ្ឋ​សហព័ន្ធ​អាឡឺម៉ង់​ប្រចាំ​ព្រះរាជាណាចក្រកម្ពុជា​ ។ 

ការប្រជុំពិភាក្សាដោះស្រាយបញ្ហានាឡិកាស្ទង់ និងថ្លៃលក់អគ្គិសនី នៅក្នុងឃុំកោះស្តេច ស្រុកគីរីសាគរ ខេត្តកោះកុង

យោងតាមលិខិតស្នើសុំលេខ០១ ចុះថ្ងៃទី២៥ ខែមករា ឆ្នាំ២០១៥ របស់​អ្នក​ប្រើប្រាស់​តាម​រយៈ​លោក​មេភូមិ​កោះស្តេច​ និង​លោក​ឃុំ​កោះស្តេច​ ស្រុក​គិរីសាគរ​ ខេត្ត​កោះកុង​ បានស្នើ​សុំ​មន្ត្រី​ជំនាញ​របស់​អាជ្ញាធរ​អគ្គិសនី​កម្ពុជា​ចុះពិនិត្យ​នាឡិកា​ស្ទង់​ និងថ្លៃ​លក់​អគ្គិសនី​ដែល​​មាន​តម្លៃ​ខ្ពស់​។ តាមរយៈ​លិខិត​ខាងលើ​ អាជ្ញាធរ​អគ្គិសនី​កម្ពុជា​បាន​ចាត់​មន្ត្រី​ជំនាញ​ចុះ​ពិនិត្យ​ និង​ដោះស្រាយ​បញ្ហា​ខាង​លើ​ដល់​ទី​កន្លែង​ផ្ទាល់​នៅ​​ឃុំ​កោះស្តេច​ ស្រុក​គិរីសាគរ​ ខេត្ត​កោះកុង​។ នៅវេលា​ម៉ោង​ ២:០០រសៀល​ថ្ងៃទី​១០ ខែកុម្ភៈ​ ឆ្នាំ២០១៥ មាន​ការ​បើក​ប្រជុំ​ពិភាក្សា​បញ្ហា​ខាង​លើ​នៅ​សាលា​ឃុំ​កោះ​ស្តេច​ដែលមាន​សមាសភាព​ចូលរួម​៖ ប្រធាន​មន្ទីររ៉ែ និងថាមពល​ ខេត្ត​កោះកុង មន្ត្រីអាជ្ញាធរអគ្គិសនីកម្ពុជាចំនួន ៣រូប​ លោកមេឃុំ​កោះស្តេច លោកមេភូមិកោះស្តេច​​ សេវាករ​ អាន់ សំឡាន់ និង​អ្នកប្រើប្រាស់​អគ្គិសនី​ប្រមាណ​ ៥០នាក់​ ។

សេចក្តី​ជូនដំណឹង​ដល់​អ្នកកាន់​អាជ្ញាប័ណ្ណ​ ធ្វើ​សេវាកម្ម​អគ្គិសនី​ក្នុង​ព្រះ​រាជាណាចក្រ​កម្ពុជា​ទាំង​អស់​ស្តីពី​ ការផ្គត់ផ្គង់អគ្គិសនី​ជូនលំនៅ​ដ្ឋាន​ប្រជា​ពលរដ្ឋ​ក្រី​ក្រ​ ផ្ទះជួល​ និង​បន្ទប់​ជួល​នៅ​តំបន់​ផ្សេង​ៗ​ក្រៅ​ពី​តំបន់​របស់​អគ្គិសនី​កម្ពុជា​

273-LT-15-1273-LT-15-2