អត្ថបទ៖ ព័ត៌មាន

ការចុះពិនិត្យវាយតម្លៃ និង​ពិគ្រោះ​យោបល់​សាធារណៈ​លើ​ការ​ប្តូរ​ប្រភេទ​អាជ្ញាបណ្ណ ការ​បង្កើន​អាណត្តិ​អាជ្ញាបណ្ណ និង​ការ​បន្ត​អាណត្តិ​អាជ្ញាបណ្ណ

កាលពីថ្ងៃទី០១ ដល់ថ្ងៃទី០៥ ខែកញ្ញា ឆ្នាំ២០១៥ អាជ្ញារធអគ្គិសនីកម្ពុជា បានចាត់តាំងមន្រ្តីជំនាញឲ្យចុះពិនិត្យវាយតម្លៃ និងពិគ្រោះយោបល់ក្នុងការប្តូរប្រភេទអាជ្ញាបណ្ណរបស់លោក តែ គឹមសុង ធ្វើសេវាកម្មអគ្គិសនីនៅឃុំចំការអណ្តូង ស្រុកចំការលើ ខេត្តកំពង់ចាម របស់លោក ងិន គង់ ធ្វើសេវាកម្មអគ្គិសនីនៅផ្នែកខ្លះនៃស្រុកបារាយណ៍ ខេត្តកំពង់ធំ និងស្រុកចំការលើ ខេត្តកំពង់ចាម របស់លោក ឈា សុខុម ធ្វើសេវាកម្មអគ្គិសនីនៅផ្នែកខ្លះនៃឃុំទ្រៀល និងឃុំឈូកខ្សាច់ ស្រុកបារាយណ៍ ខេត្តកំពង់ធំ របស់លោកស្រី ភួង សោភា ធ្វើសេវាកម្មអគ្គិសនីនៅឃុំព្រែកតាកូវ និងឃុំស្វាយជ្រុំ ស្រុកខ្សាច់កណ្តាល ខេត្តកណ្តាល ការបង្កើនអាណត្តិអាជ្ញាបណ្ណរបស់លោក ប៉ោ បណ្តែត ធ្វើសេវាកម្មអគ្គិសនីនៅឃុំណាំតៅ ស្រុកភ្នំស្រុក ខេត្តបន្ទាយមានជ័យ ការប្តូរប្រភេទអាជ្ញាបណ្ណ និងការបន្តអាណត្តអាជ្ញាបណ្ណរបស់លោក អ៊ឹង ប៊ុនធី ធ្វើ​សេវាកម្ម​អគ្គិសនី​នៅ​ផ្នែក​ខ្លះ​នៃ​ស្រុក​ពួក ស្រុក​អង្គរ​ជុំ និង​ស្រុក​ក្រឡាញ់ ខេត្ត​សៀមរាប ។ ១-ការចុះពិនិត្យវាយតម្លៃ និងពិគ្រោះយោបល់លើការប្តូរប្រភេទអាជ្ញាបណ្ណរបស់សេវាករ ភួង សោភា៖ ​មន្រ្តី​​​ជំនាញ​អាជ្ញាធរ​អគ្គិសនី​កម្ពុជា​បាន​ជួប​ជាមួយ​លោក កៅ ប៊ុនថុន… អានបន្តរ »

ការចុះពិនិត្យ តាមដានការអនុវត្តផ្គត់ផ្គង់អគ្គិសនី និង​ថ្លៃ​សេវា​កម្ម​ពាក់​ព័ន្ធ ចុះ​ពិនិត្យ និង​ដោះ​ស្រាយ​ពាក្យ​បណ្តឹង​តវ៉ា​ពាក់​ព័ន្ធ​​ការ​​ធ្វើ​​សេវាកម្ម​អគ្គិសនី

កាលពីថ្ងៃទី១៤-១៨ ខែកញ្ញា ឆ្នាំ២០១៥ មន្រ្តីចំនួន៣រូប ត្រូវបានអាជ្ញាធរអគ្គិសនីកម្ពុជាចាត់តាំងឲ្យចុះពិនិត្យ និង​តាម​ដាន​ការ​ផ្គត់​ផ្គង់​អគ្គិសនី និង​ថ្លៃ​សេវាកម្ម​ពាក់​ព័ន្ធ​របស់​សេវាករ នៅ​ខេត្ត​ស្ទឹង​ត្រែង និង​ខេត្ត​ក្រចេះ និង​ចុះ​ពិនិត្យ​ដោះ​ស្រាយ​ពាក្យ​បណ្តឹង​តវ៉ា​ពាក់​ព័ន្ធ​ការ​ធ្វើ​សេវា​កម្ម​អគ្គិសនី​របស់​សេវាករ ងិន គង់ ។ ក្រុមការងារអាជ្ញាធរអគ្គិសនីកម្ពុជា ដោយមានការចូលរួមសហការពីលោកតំណាងមន្ទីររ៉ែ និង​ថាម​ពល​ខេត្ត​ស្ទឹងត្រែង និង​លោក​តំណាង​មន្ទីរ​រ៉ែ និង​ថាម​ពល​ខេត្ត​ក្រចេះ ចុះ​ពិនិត្យ​តាម​ខ្សែ​បណ្តាញ​ចែក​ចាយ​ ចុះ​ជួប​ជា​មួយ​អាជ្ញាធរ​មូល​ដ្ឋាន ជា​មួយ​តំណាង​អ្នក​ប្រើ​ប្រាស់ ដោយ​បាន​ណែ​នាំ​ការ​ប្រើ​ប្រាស់​អគ្គិសនី និង​ចុះ​ពិនិត្យ​ស្នាក់​ការ​អគ្គិសនី​ក្នុង​តំបន់​ធ្វើ​សេវា​កម្ម​របស់​សេវាករ​នីមួយៗ ដូច​ខាង​ក្រោម ៖ – សេវាករ ឃុន សុខហ្គិច កាន់អាជ្ញាបណ្ណលេខ ៣៩៥ អ ធ្វើសេវាកម្មអគ្គិសនីនៅផ្នែកខ្លះនៃស្រុកសៀមបូក ស្រុកសេសាន ក្រុងស្ទឹងត្រែង ខេត្តស្ទឹងត្រែង និងស្រុកសំបូរ ខេត្តក្រចេះ ។ ក្រុមបេសកកម្មបានជួបពិភាក្សាជាមួយលោកចៅសង្កាត់ស្ទឹងត្រែង និងលោកស្រីមេឃុំអូរឬស្សីកណ្តាល នៅសាលាសង្កាត់ និងសាលាឃុំ ជម្រាបសួរអំពីការផ្គត់ផ្គង់ចរន្តអគ្គិសនីនៅទីនោះ។ លោក/លោកស្រីបញ្ជាក់ថា សេវាករមានទំនាក់ទំនង​ល្អ​ជា​មួយ​អាជ្ញាធរ​មូលដ្ឋាន​ និង​បាន​ថ្លែង​អំណរ​គុណ​ចំពោះ​សេវាករ​ដែល​បាន​ខិត​ខំ​សាង​សង់​ខ្សែ​បណ្តាញ​ដើម្បី​ផ្គត់​ផ្គង់​អគ្គិសនី​ដល់​លំនៅដ្ឋាន​ប្រជា​ពលរដ្ឋ​ក្នុង​មូល​ដ្ឋាន​របស់​លោក/លោកស្រី និង​សុំ​ឲ្យ​សេវាករ​បន្ត​សាង​សង់​ខ្សែ​បណ្តាញ​ដើម្បី​ផ្គត់ផ្គង់​ដល់​ប្រជា​ពលរដ្ឋ​មួយ​ចំនួន​ទៀត​ដែល​មិន​ទាន់​មាន​ភ្លើង​ប្រើ ។ កន្លង​មក​ក៏មាន​ដែរ​ការ​ត្អូញ​ត្អែរ​របស់​អ្នក​ប្រើ​ប្រាស់​ពាក់​ព័ន្ធ​ការ​ដាច់​ភ្លើង ការ​ប្រើ​ភ្លើង​អស់​ច្រើន និង​មាន​ការ​សង្ស័យ​ថា​នាឡិកា​ស្ទង់​ដើរ​លឿន​ផង​ដែរ ។ មន្រ្តី​ជំនាញ​អាជ្ញារ​ធអគ្គិសនី​កម្ពុជា​បាន​ជម្រាប​ថា ចំពោះ​អ្នក​ប្រើ​ប្រាស់​ដែល​សង្ស័យ​ថា… អានបន្តរ »

ប្រជុំពិគ្រោះយោបល់ករណីភាព​មិន​ប្រក្រតី នៃ​ការ​ត​ភ្ជាប់​បណ្តាញ​អគ្គិសនី

កាល​ពី​ថ្ងៃទី១០ ដល់ថ្ងៃទី១៥ ខែកញ្ញា ឆ្នាំ២០១៥ មន្រ្តីចំនួន0៤រូប ​ត្រូវបានអាជ្ញាធរ​អគ្គិសនី​កម្ពុជា​​ចាត់​តាំង​​​ឲ្យ​ចូល​រួម និង​ចុះ​​ពិនិត្យ​ដោះ​ស្រាយ​របស់​ក្រុមហ៊ុន និង​សេវាករ​នៅ​ខេត្ត​កំពង់ធំ និង​ខេត្ត​​សៀមរាប​ ដើម្បី​ដោះ​ស្រាយ​បញ្ហា​ភាព​មិន​ប្រក្រតី​ក្នុង​ការ​ត​បណ្តាញ​អគ្គិសនី និង​កុងទ័រ​ឡើង​ខុស​​ប្រក្រតី​របស់​​ប្រជា​ពល​រដ្ឋ​​​​នៅ​ឃុំ​យាង ឃុំសសរស្តម្ភ ស្រុកពួក ខេត្តសៀមរាប និង​សំ​ណូមពរ​របស់​ប្រជា​ពលរដ្ឋ​សុំ​ឲ្យ​សេវាករ​ត​បណ្តាញ​អគ្គិសនី​ដែល​មាន​តម្លៃ សមរម្យ​ចូល​នៅ​ឃុំ​ពពក ស្រុកស្ទោង ខេត្តកំពង់ធំ ​។ ក្នុងរយៈពេលបេសកកម្មនេះ ក្រុមការងារអាជ្ញាធរអគ្គិសនីកម្ពុជាបានរួមសហការ​ជា​​មួយ​មន្ទីររ៉ែ​ និង​ថាម​ពល​ខេត្ត អាជ្ញាធរ​​មូល​ដ្ឋាន ខេត្ត ស្រុក ឃុំ ភូមិ ដោយ​​បាន​​ណែនាំ​ពី​ការ​ប្រើ​ប្រាស់​អគ្គិសនី ផ្ទៀង​ផ្ទាត់ និង​ដោះ​​ស្រាយ​​បញ្ហា​​កុងទ័រ​​ឡើង​​ខុស​​ប្រ​ក្រតី​​តាម​ទីតាំង​ធ្វើ​អាជីវកម្ម​របស់​សេវាករ និង​សំណូមពរ​របស់​ប្រជា​ពលរដ្ឋ​មួយ​ចំនួន​ដែល​មាន​បញ្ហា​​​ដូច​​មាន​ខាង​​​​​ក្រោម ៖​​​ – នៅសាលាស្រុកក្រឡាញ់ ខេត្តសៀមរាប​៖ ​យោង​លិខិត​អញ្ជើញ​របស់​អភិបាល​នៃ​គណៈ​អភិបាល​ស្រុក​ក្រឡាញ់​ដើម្បី​ចូល​រួម​ប្រជុំ​ពិគ្រោះ​យោបល់​ពី​ភាព​មិន​ប្រក្រតី​នៃ​ការ​ត​ភ្ជាប់​បណ្តាញ​អគ្គិសនី​របស់​សេវាករ​ជូន​អ្នក​ប្រើ​ប្រាស់​ក្នុង​ស្រុក​ក្រឡាញ់ ។ អាជា្ញធរ​អគ្គិសនី​កម្ពុជា​បាន​ចាត់​តាំ​ង​ក្រុម​ការងារ​មួយ​ក្រុម​ដើម្បី​ចូល​រួម​ក្នុង​កម្ម​វិធី​នេះ។​ ​លោក​ស្រី​អភិ​បាលរង​ស្រុក​បាន​​ជម្រាប​ជូន​អង្គ​ប្រជុំ​ថា​​ នៅ​ក្នុង​ស្រុក​ក្រឡាញ់​មាន​សេវាករ​ចំនួន​បី គឺ​ក្រុមហ៊ុន ​​វឌ្ឍនៈ អិន ធី អង្គរ សេវាករ ហេង ស៊ីមុយ និង​សេវាករ អ៊ឹង ប៊ុនធី តាម​ការ​ជាក់​ស្ដែង​ការ​ត​បណ្ដាញ​របស់​សេវាករ​នៅ​តាម​បណ្ដា​ឃុំ សេវាករ​មិន​ទាន់​បាន​ត​ភ្ជាប់​បណ្ដាញ​​គ្រប់​ភូមិ ឃុំ​នៅ​ឡើយ​ទេ​គឺ​បាន​ខ្លះៗ នៅ​តាម​ដង​ផ្លួវ​ជាតិ​លេខ៦… អានបន្តរ »

ការចុះពិនិត្យ និង​ដោះ​ស្រាយ​ការ​ធ្វើ​សេវា​កម្ម​អគ្គិសនី​របស់​ក្រុម​ហ៊ុន សុខា អេ​ឡិក​ទ្រី​ស៊ី​ធី

កាលពីថ្ងៃទី២៥ ដល់ថ្ងៃទី២៦ ខែសីហា ឆ្នាំ២០១៥ មន្រ្តីចំនួន ៣រូប ត្រូវបានអាជ្ញាធរអគ្គិសនីកម្ពុជា​ចាត់​តាំង​ឲ្យ​ចុះ​ពិនិត្យ និង​ដោះ​ស្រាយ​ការ​ធ្វើ​សេវាកម្ម​អគ្គិសនី​របស់​ក្រុមហ៊ុន សុខា អេឡិក​ទ្រី​ស៊ី​ធី​ តាម​ការ​ស្នើ​សុំ​របស់​ប្រជា​​ពលរដ្ឋ​នៅ​ឃុំ​ពោធិ​ម្រាល ស្រុក​បសេដ្ឋ ខេត្ត​កំពង់​ស្ពឺ ។ ក្នុងរយៈពេលបេសកកម្មនេះក្រុមបេសកកម្មការងារអាជ្ញាធរអគ្គិសនីកម្ពុជា បាន​ចុះ​ជួប​ជា​មួយ​អាជ្ញាធរ​មូលដ្ឋាន និង​ប្រជា​ពលរដ្ឋ នៅ​សា​លា​ឃុំ​ពោធិ​ម្រាល​មាន​អ្នក​ចូល​រួម ចំនួន ៣០នាក់ ។ ក្រុម​ការងារ​អាជ្ញាធរ​អគ្គិសនី​កម្ពុជា បាន​ស្តាប់​នូវ​ការ​លើក​ឡើង​ពី​លោក​មេ​ឃុំ មេភូមិ និង​ប្រជា​ពលរដ្ឋ​បាន​បញ្ជាក់​ថា នៅ​ក្នុង​ឃុំ​ពោធិ​ម្រាល​មាន​ចំនួន ១៨ភូមិ ក្នុង​នោះ​មាន​ចំនួន ៤ភូមិ មាន​អគ្គិសនី​សម្រាប់​ប្រើ​ប្រាស់​ និង​ចំនួន ១៤ភូមិ ទៀត​ក្រុម​ហ៊ុន​មិន​ទាន់​បាន​ត​ភ្ជាប់​ភ្លើង​ជូន​ប្រជា​ពលរដ្ឋ​នៅ​ឡើយ ដូច្នេះ​លោក​សូម​សំណូមពរ​ឲ្យ​ក្រុមហ៊ុន​ជួយ​ផ្គត់​ផ្គង់​ភ្លើង​ជូន​ប្រជា​ពលរដ្ឋ​រស់​នៅ​ក្នុង​ភូមិ​ទាំង​១៤​ឲ្យ​បាន​ឆាប់​រហ័ស ។ លោកតំណាងក្រុមហ៊ុន សុខា អេឡិកទ្រីស៊ីធី បានជម្រាបជូនដល់អង្គប្រជុំនៅពេលនេះថា នៅ​ក្នុង​ឃុំ​ពោធិ​ម្រាល ភូមិ​ចំនួន​១២ ក្រុមហ៊ុន​បាន​ដាំ​បង្គោល និង​អូស​ខ្សែ MV រួច​រាល់​ហើយ និង​ភូមិ​ចំនួន​២ ក្រុម​ហ៊ុន​កំពុង​មាន​ផែន​ការ​ដាំ​បង្កោល​បន្ត​ក្នុង​ពេល​នេះ ។ លោក​តំណាង​ក្រុម​ហ៊ុន​បាន​បញ្ជាក់​បន្ថែម​ថា នៅ​ក្នុង​ឃុំ​នេះ​បាន​បំពាក់​ត្រង់​ស្វូ​សរុប​ចំនួន ៥គ្រឿង​ ដើម្បី​ឲ្យ​សម​ស្រប​កំលាំង​ប្រើ​ប្រាស់​របស់​ប្រជា​ពលរដ្ឋ​ទូទាំង​ឃុំ​ពោធិម្រាល មាន​ដូច​ជា​កំលាំង 50KVA 3ហ្វា… អានបន្តរ »

ចុះពិនិត្យ តាមដានការអនុវត្តផ្គត់ផ្គង់អគ្គិសនី និង​ថ្លៃ​សេវា​កម្ម​ពាក់​ព័ន្ធ​របស់​ក្រុម​ហ៊ុន ផេង គៀង អេឡិក​ទ្រី​ស៊ី​ធី សេវាករ ងិន គង់ សេវាករ គឹម ច័ន្ទតារា

កាលពីថ្ងៃទី១៨ ដល់ថ្ងៃទី២១ ខែសីហា ឆ្នាំ២០១៥ មន្រ្តីចំនួន ០២រូប ត្រូវ​បាន​អាជ្ញាធរ​អគ្គិសនី​កម្ពុជា​ចាត់​តាំង​ឲ្យ​ចុះ​ពិនិត្យ​និង​តាម​ដាន​ការ​អនុវត្ត​ផ្គត់​ផ្គង់​អគ្គិសនី​ និង​ថ្លៃ​សេវាកម្ម​ពាក់​ព័ន្ធ​របស់​សេវាករ​នៅ​ខេត្ត​កំពង់ធំ ។ ក្នុងរយៈពេលបេសកកម្មនេះ ក្រុមបេសកកម្មបានចុះពិនិត្យខ្សែបណ្តាញអគ្គិសនី ចុះ​យក​ព័ត៌មាន​ពី​អ្នក​ប្រើ​ប្រាស់ ជួប​ជាមួយ​អាជ្ញាធរ​មូល​ដ្ឋាន និង​ចុះ​ពិនិត្យ​តាម​ស្នាក់​ការ​អគ្គិសនី​របស់​ក្រុម​ហ៊ុន​ និង​ស្នាក់​ការ​អគ្គិសនី​របស់​សេវាករ​ដូច​ខាង​ក្រោម៖ សេវាករ ងិន គង់ កាន់អាជ្ញាបណ្ណលេខ ០៣២ អ ធ្វើ​សេវាកម្ម​អគ្គិសនី​នៅ​ផ្នែក​ខ្លះ​នៃ​ស្រុក​បារាយណ៍ ខេត្ត​កំពង់ធំ ។ ក្រុម​បេសកកម្ម​បាន​ចូល​រួម​ប្រជុំ​នៅ​សា​លា​ស្រុក​បារាយណ៍ ខេត្ត​កំពង់ធំ​ ដោយ​មាន​ការ​ចូល​រួម​ពី​លោក អួង សារឿន អភិបាល​រង​ស្រុក​បារាយណ៍ លោក​មេឃុំ មេភូមិ លេ​ខា​កត់ត្រា សេវាករ និង​មន្រ្តី​អាជ្ញាធរ​អគ្គិសនី​កម្ពុជា​ចំនួន ០២រូប ។ សេវាករ ងិន គង់ បានចាក់សសរបេតុងប្រវែង ៩ម៉ែត្រ បាន ២០០ដើម សម្រាប់​ប្តូរ​បង្គោល​ឈើ​តាម​ផ្លូវ​លំ​តូច​ៗ និង​ដាំ​នៅ​តាម​ផ្លូវ​លំ​ដែល​ជា​តំបន់​ថ្មី ។ ចំពោះ​ថ្លៃ​លក់​សេវាករ​បាន​អនុវត្ត​តាម​តារាង​ថ្លៃ​លក់​អគ្គិសនី ១២០០រៀល ក្នុង​មួយ​គីឡូវ៉ាត់​ម៉ោង តាម​ការ​កំណត់​របស់​អាជ្ញាធរ​អគ្គិសនី​កម្ពុជា ប៉ុន្តែ​ចំពោះ​ថ្លៃ​ភ្ជាប់​ចរន្ត និង​ប្រាក់​កក់​ធានា សេវាករ​មិន​បាន​អនុវត្ត​តាម​ការ​ណែនាំ​របស់​អាជ្ញាធរ​អគ្គិសនី​កម្ពុជា​ទេ​ គឺ​ភ្ជាប់​ចរន្ត​របៀប​ម៉ៅ​ការ… អានបន្តរ »

ចុះពិនិត្យការធ្វើសេវាកម្មអគ្គិសនីរបស់លោក សើ ទាងកុក លោក ឆោម សុផៃ លោក តាន់ កង និងលោក ប្លោក វណ្ណៈ

កាល​ពី​ថ្ងៃ​ទី០៣ ដល់ថ្ងៃទី០៧ ខែសីហា ឆ្នាំ២០១៥ មន្រ្តីចំនួន0៣​រូប​ ត្រូវ​បាន​អាជ្ញាធរ​​អគ្គិសនី​កម្ពុជា ​ចាត់​​តាំង​​​​​​​​​​​ឲ្យ​ចុះ​​ពិនិត្យ​ការ​ធ្វើ​សេវាកម្ម​អគ្គិសនី​របស់​សេវាករ សើ ទាងកុក សេវាករ ឆោម សុផៃ សេវាករ តាន់ កង និងសេវាករ ប្លោក វណ្ណៈ ។ ដោយ​មាន​ការ​ចូល​រួម​ពី​សំណាក់​លោក​តំណាង​មន្ទីរ​រ៉ែ និង​ថាមពល ខេត្ត​កំពង់ធំ និង​​ខេត្ត​សៀមរាប ក្រុម​បេសកកម្ម​បាន​ចុះ​ពិនិត្យ​ដល់​ទី​តាំង​​ស្នើ​​សុំ​​ពី​អ្នក​ប្រើ​ប្រាស់ ចុះ​ជួប​ជា​​មួយ​​អាជ្ញាធរ​​មូល​ដ្ឋាន ​​តំណាង​​​អ្នក​ប្រើ​ប្រាស់ ផ្សព្វ​ផ្សាយ​គោល​​ការណ៍​ ថ្លៃ​សេវា​ភ្ជាប់​ចរន្ត និង​ប្រាក់​កក់​ធានា និង​​បាន​​ណែនាំ​បច្ចេក​ទេស​ក្នុង​ការ​​ប្រើ​ប្រាស់​អគ្គិសនី និង​​ចុះ​ពិនិត្យ​​ស្នាក់​​ការ​អគ្គិសនី​ក្នុង​តំបន់​ធ្វើ​សេវាកម្ម​របស់​​សេវាករ​​នី​មួយៗ ដែល​​បាន​​គ្រោង​ទុក​​ដូច​​​​ខាង​​​ក្រោម​​ ៖​​​ សេវាករ សើ ទាងកុក កាន់អាជ្ញាបណ្ណលេខ២២៨ អ ធ្វើ​សេវាកម្ម​អគ្គិសនី​នៅ​ផ្នែក​ខ្លះ​នៃ​ឃុំ​សាន់​គរ និង​ឃុំ​ត្បែង ស្រុក​កំពង់​ស្វាយ ខេត្ត​កំពង់ធំ ។ ក្រុម​បេសកកម្ម​បាន​ចុះ​ជួប​​​ពិភាក្សា​ជា​មួយ​លោក​ស្រី​មេ​ឃុំ​ លោក​ជំទប់​ទី១ លោក​មេ​ភូមិ និង​តំណាង​អ្នក​ប្រើ​ប្រាស់ នៅ​សាលា​ឃុំ​ត្បែង និង​សាលា​ឃុំ​សាន់គរ ជម្រាប​សួ​រ​​អំពី​ការ​ផ្គត់ផ្គង់​ចរន្ត​អគ្គិសនី​នៅ​ទី​នេះ អាជ្ញាធរ​ឃុំ​ទាំង​ពីរ​បាន​បញ្ជាក់​ថា សេវាករ​មិន​បាន​ផ្តល់​ពាក្យ​ស្នើ​សុំ​ភ្ជាប់​ចរន្ត​ថ្មី និង​បង្កាន់​ដៃ​ទទួល​​ប្រាក់​​ថ្លៃ​ភ្ជាប់​​ចរន្ត និង​ប្រាក់​កក់ ដល់​អ្នក​ស្នើ​សុំ​ភ្ជាប់​ចរន្ត​ថ្មី… អានបន្តរ »

សហប្រតិបត្តិការ​រវាង​អាជ្ញាធរ​អគ្គិសនី​កម្ពុជា​ជាមួយ​សមាគម​បញ្ញត្តិករ​ជាតិ​សហរដ្ឋ​អាមេរិក​ NARUC (​ព័ត៌មាន​បន្ថែម​)

ក្នុងក្របខណ្ឌនៃសហប្រតិបត្តិការរវាងអាជ្ញាធរអគ្គិសនីកម្ពុជាជាមួយសមាគមបញ្ញត្តិករអគ្គិសនីជាតិរបស់សហរដ្ឋអាមេរិក សិក្ខាសាលាពិភាក្សានិងផ្លាស់ប្តូរយោបល់អំពីបទដ្ឋានក្នុងការអនុវត្ត និងការត្រួតពិនិត្យលើការផ្គត់ផ្គង់អគ្គិសនីនៅកម្ពុជាត្រូវបានរៀបចំឡើងចំនួន ៥ថ្ងៃ ចាប់ពីថ្ងៃទី៣១ ខែសីហា រហូតដល់ថ្ងៃទី០៤ ខែកញ្ញា ឆ្នាំ២០១៥ ។ កម្មវត្ថុនៃការពិភាក្សាផ្លាស់ប្តូរយោបល់គ្នានេះ គឺផ្ដោតលើ៖ ច្បាប់ បទប្បញ្ញត្តិ នីតិវិធី ដែលកម្ពុជាកំពុងអនុវត្តទាក់ទងនឹងការផ្គត់ផ្គង់អគ្គិសនី, បញ្ហានាឡិកាស្ទង់, សិទ្ធិតវ៉ារបស់អ្នកប្រើប្រាស់, វិធីដោះស្រាយចំពោះការតវ៉ា, ការត្រួតពិនិត្យបន្ថែមរបស់អាជ្ញាធរអគ្គិសនីកម្ពុជាដែលជាអាជ្ញាកណ្តាល ដោយប្រៀបធៀបជាមួយការអនុវត្តនៅសហរដ្ឋអាមេរិក ។

សហប្រតិបត្តិការ​រវាង​បញ្ញត្តិករ​អគ្គិសនី​កម្ពុជា​ (អាជ្ញាធរ​អគ្គិសនី​កម្ពុជា​) ជាមួយ​បញ្ញត្តិករ​អគ្គិសនី​សហរដ្ឋ​អាមេរិក​(សមាគម​បញ្ញត្តិករ​អាមេរិក ​NARUC)

តាមរយៈ​ការ​ទំនាក់​ទំនង​រវាង​ឯកឧត្តម​បណ្ឌិត​ ទី​ នរិន្ទ ប្រធាន​អាជ្ញាធរ​អគ្គិសនី​កម្ពុជា​ ជាមួយ​សមាគម​បញ្ញត្តិ​ករអាមេរិក​ “NARUC” សមាគមនេះបាន​សម្រេច​បញ្ជូន​មន្ត្រីជំនាញចំនួន ៨រូបមកពីរដ្ឋចំនួន ៥ របស់​សហរដ្ឋ​អាមេរិក​ ដើម្បី​ជួយ​ពិនិត្យ​មើល​ និងពិភាក្សា​ផ្លាស់​ប្តូរ​យោបល់​អំពី​បទដ្ឋាន​ក្នុង​ការ​អនុវត្ត​ និង​ការ​ត្រួត​ពិនិត្យ​លើ​ការ​ផ្គត់​ផ្គង់​អគ្គិសនី​នៅ​កម្ពុជា​ ។ អាជ្ញាធរ​អគ្គិសនី​កម្ពុជា​ និង​ NARUC  បាន​រៀប​ចំ​សិក្ខា​សាលា​ផ្លាស់​ប្តូរយោបល់មួយ ( Peer Review) នៅសណ្ឋាគារ​ Intercontinental នៅភ្នំពេញ ចាប់ពីថ្ងៃទី៣១ ខែសីហា ដល់​ថ្ងៃទី​០៤​ ខែ​កញ្ញា​ ឆ្នាំ២០១៥។ គោលដៅ​នៃសិក្ខាសាលា​នេះ​ គឺដើម្បី​ពិនិត្យ​មើល​អំពី​បទដ្ឋាន​ដែល​កំពុង​អនុវត្ត​នៅ​ប្រទេស​កម្ពុជា​ ​និង​ការផ្តល់​យោបល់​និងបទ​ពិសោធន៍​ដែល​គេ​កំពុង​អនុវត្ត​នៅ​សហរដ្ឋ​អាមេរិក​ ។​ គួរកត់​សំគាល់​ថា នៅ​ថ្ងៃទី២ នៃសិក្ខាសាលា​ គឺ​ថ្ងៃ​អង្គារ​ ទី០១ ខែកញ្ញា ឆ្នាំ២០១៥ សិក្ខាសាលា​បាន​ធ្វើ​ការ​ផ្លាស់​ប្តូរ​យោបល់​អំពីបញ្ហា​ដែល​កំពុង​កើត​មាន​នៅកម្ពុជា​បច្ចុប្បន្ន ​ក្នុងនោះមាន​៖ ការតវ៉ារបស់​អ្នកប្រើប្រាស់​ទាក់​ទង​នឹង​គុណភាព​អគ្គិសនី​ ការតវ៉ា​របស់​អ្នក​ប្រើប្រាស់​ទាក់​ទង​នឹង​ការ​កត់​ត្រា​លេខ​អំណាន​នាឡិកាស្ទង់​មិន​ត្រឹមត្រូវ​ ការផ្លាស់​ប្តូរ​នាឡិកាស្ទង់​ដែល​មិន​ប្រក្រតី​ ការ​ធ្វើ​តេស្ត​នាឡិកាស្ទង់​នៅ​ពេល​មាន​សំណើ​ពី​អ្នក​ប្រើ​ប្រាស់​ ការតវ៉ា​របស់​អ្នក​ប្រើ​ប្រាស់​អំពី​វិក្កយបត្រ​ថ្លៃ​អគ្គិសនី​ ការស្នើ​សុំ​បន្ត​ចរន្ត​ថ្មី​ ការសង​ប្រាក់​កក់​ឲ្យ​អ្នក​ប្រើ​ប្រាស់​វិញ​ ការភ្ជាប់​ចរន្ត​ឡើង​វិញបន្ទាប់​ពី​ការ​ផ្តាច់​ដោយ​មាន​កំហុស។ អាជ្ញាធរ​អគ្គិសនីកម្ពុជា​សង្ឃឹមថា បន្ទាប់​ពី​ការ​ពិនិត្យ​​​​ និង​ផ្លាស់​ប្តូរ​យោបល់​នេះ​មក​ ការអនុវត្ត​បញ្ហានេះនៅ​កម្ពុជានឹង​រឹតតែសុក្រឹតឡើងទៀត ព្រមទាំង​មាន​លក្ខណៈ​ជា​ស្តង់​ដារអន្តរជាតិ… អានបន្តរ »

ការចុះត្រួតពិនិត្យនាឡិកាស្ទង់របស់ក្រុមហ៊ុន ភី អេស ស៊ី អិនវេសមេន និងការធ្វើសេវាកម្មរបស់សេវាករ ហ៊ុយ ចេង

កាលពីថ្ងៃទី២១ ដល់ថ្ងៃទី២៦ ខែកក្កដា ឆ្នាំ២០១៥ មន្រ្តីចំនួន ០៣រូប ត្រូវ​បាន​អាជ្ញាធរ​អគ្គិសនី​កម្ពុជា​ចាត់​តាំង​ឲ្យ​ចុះ​ពិនិត្យ​នា​ឡិកា​ស្ទង់​របស់​ក្រុម​ហ៊ុន ភី អេស ស៊ី អិន​វេស​មិន​ និង​ចុះ​ពិនិត្យ​ការ​ធ្វើ​សេវា​កម្ម​អគ្គិស​នី​របស់​សេវាករ ហ៊ុយ ចេង ។ ក្រុម​បេសក​កម្ម​បាន​ចុះ​យក​ព័ត៌​មាន​ពី​អ្នក​ប្រើ​ប្រាស់ ជួប​ពិភាក្សា​ជា​មួយ​លោក​អភិបាល​រង​ស្រុក​ពាមរក៍ លោក​ជំទប់​ឃុំ​ព្រែក​ខ្សាយខ និង​លោក​អភិបាល​ស្រុក​សៀម​ប៉ាង​ ចុះ​ពិនិត្យ​តាម​ផ្ទះ​អ្នក​ប្រើ​ប្រាស់ នៅ​តាម​តំបន់​ធ្វើ​សេវា​កម្ម​អគ្គិសនី​របស់​ក្រុម​ហ៊ុន និង​សេវាករ ៖ – ក្រុមហ៊ុន ភី អេស ស៊ី អិនវេសមិន កាន់អាជ្ញាប័ណ្ណលេខ ២០៦អ ធ្វើ​សេវា​កម្ម​អគ្គិសនី​នៅ​ស្រុក​ពាមរក៍ ខេត្ត​ព្រៃ​វែង ។ មន្ទីររ៉ែ និង​​ថាម​ពល​ខេត្ត​ព្រៃ​វែង​ បាន​ធ្វើ​លិខិត​មក​កាន់​​អាជ្ញាធរ​អគ្គិសនី​កម្ពុជា​​ដើម្បី​​ស្នើ​សុំ​ឲ្យ​ជួយ​ចុះ​ទៅ​ធ្វើ​តេស្ត​នាឡិកា​ស្ទង់​ចំនួន ៥២​គ្រូសារ តាម​ការ​ស្នើ​សុំ​របស់​អ្នក​ប្រើ​ប្រាស់​អគ្គិសនី នៅ​សាលា​ព្រែក​ខ្សាយខ ស្រុក​ពាមរក៍ ខេត្ត​ព្រៃ​វែង ជាក់​ស្តែង​អ្នក​ដែល​បាន​មក​ធ្វើ​តេស្ត​មាន​ចំនួន ៤៧គ្រួសារ​ និង​មាន​នាឡិកា​ស្ទង់ ៤៨គ្រឿង ជា​លទ្ធ​ផល​ពិនិត្យ​ឃើញ​ថា នាឡិកា​ស្ទង់ ៤០គ្រឿង ស្ថិត​ក្នុង​ស្តង់ដា​កំណត់ (±2%) ២គ្រឿង ខូច និង ៦គ្រឿង… អានបន្តរ »

ចុះពិនិត្យការធ្វើសេវាកម្មអគ្គិសនី​របស់​លោក​ស្រី ភិន វិភាវី លោក ហ៊ាង ពៅ លោក ភិន ហម និង​របស់​លោក សុខ ហេង​ស៊ាង

កាលពីថ្ងៃទី១៥ ដល់ថ្ងៃទី១៨ ខែមិថុនា ឆ្នាំ២០១៥ មន្រ្តីចំនួន 0២រូប ត្រូវ​បាន​អាជ្ញាធរ​អគ្គិសនី​កម្ពុជា ចាត់​តាំង​ឲ្យ​ចុះ​ពិនិត្យ​ការ​ធ្វើ​សេវាកម្ម​អគ្គិសនី និង​តាម​ដាន​ការ​អនុវត្ត​បច្ចេក​ទេស​ផ្គត់​ផ្គង់ និង​ថ្លៃ​សេវាកម្ម​ពាក់​ព័ន្ធ របស់​សេវាករ​នៅ​ខេត្ត​ក្រចេះ ដោយ​មាន​ការ​ចូល​រួម​ពី​តំណាង​មន្ទីរ រ៉ែ និង​ថាម​ពល​ខេត្ត ចុះ​ពិនិត្យ​តាម​ខ្សែ​បណ្តាញ​ចែក​ចាយ ចុះ​ជួប​ជា​មួយ​អាជ្ញាធរ​មូល​ដ្ឋាន ជា​មួយ​តំណាង​អ្នក​ប្រើ​ប្រាស់ និង​ចុះ​ពិនិត្យ​ស្នាក់​ការ​អគ្គិសនី​ក្នុង​តំបន់​ធ្វើ​សេវាកម្ម​របស់​សេវាករ​នី​មួយៗ ។ សេវាករ ភិន វិភាវី កាន់អាជ្ញាប័ណ្ណលេខ១៩១អ ធ្វើសេវាកម្មអគ្គិសនី​នៅ​ផ្នែក​ខ្លះ​នៃ​ស្រុក​ឆ្លូង ខេត្តក្រចេះ ។ មន្រ្តី​ជំនាញ​របស់​អាជ្ញាធរ​អគ្គិសនី​កម្ពុជា​បាន​ជួប​ពិភាក្សា​ជា​មួយ​តំណាង​លោក​មេ​ឃុំ​ឆ្លូង លោក​មេ​ឃុំ​ស្តី​ទី ឃុំ​ហាន់​ជ័យ នៅ​សា​លា​ឃុំ ដើម្បី​សាក​សួរ​អំពី​ការ​ផ្គត់​ផ្គង់​អគ្គិសនី​នៅ​ទី​នេះ លោក​បញ្ជាក់​ថា សេវាករ​មាន​ទំនាក់​ទំនង​ល្អ​ជា​មួយ​អាជ្ញាធរ​មូល​ដ្ឋាន និង​ចេះ​សម្រប​សម្រួល​ជា​មួយ​អ្នក​ប្រើ​ប្រាស់ ។ កន្លង​មក នៅ​ឃុំ​របស់​លោក​មាន​ភ្លើង​ដាច់​ញឹក​ញាប់ ហើយ​ជា​ពិសេស​មួយ​រយៈ​ពេល​នេះ​ការ​ប្រើ​ប្រាស់​ភ្លើង​អស់​ចំនួន​គីឡូ​កាន់​តែ​ច្រើន និង​មាន​ការ​សង្ស័យ​ថា​នាឡិកា​ស្ទង់​ដើរ​លឿន​ខុស​ប្រក្រតី ។ លោក​បាន​បញ្ជាក់​ថា សេវាករ​បាន​អនុវត្ត​ថ្លៃ​លក់​ថាម​ពល​អគ្គិសនី ថ្លៃ​ភ្ជាប់​ចរន្ត និង​ប្រាក់​កក់ តាម​ការ​កំណត់​របស់​អាជ្ញាធរ​អគ្គិសនី​កម្ពុជា និង​បាន​ផ្តល់​បង្កាន់​ដៃ​បង់​ប្រាក់​ថ្លៃ​ភ្ជាប់​ចរន្ត និង​ប្រាក់​កក់​ដល់​អ្នក​ស្នើ​សុំ​បន្ត​ចរន្ត ។ សេវាករ ភិន ហម កាន់អាជ្ញាប័ណ្ណលេខ២២៧អ ធ្វើ​សេវាកម្ម​អគ្គិសនី​នៅ​ស្រុក​ព្រែក​ប្រសព្វ ខេត្ត​ក្រចេះ ។… អានបន្តរ »