អត្ថបទ៖ ព័ត៌មាន

ពិធីសម្ពោធដាក់អោយដំណើរការជាផ្លូវការអនុស្ថានីយ៍​​អគ្គិសនី និងខ្សែបញ្ជូនអគ្គិសនី តង់ស្យុងខ្ពស់ ២៣០​​គីឡូវ៉ុល តាកែវ-កំពត និងខ្សែបញ្ជូនរង​តង់ស្យុង ២២គីឡូវ៉ុលតាកែវ -កំពត-កំពង់ស្ពឺ

នៅ​ថ្ងៃទី​២៦​ ខែកុម្ភៈ​ ឆ្នាំ២០១៥ អគ្គិសនីកម្ពុជាបានរៀប​ចំ​ពិធី​សម្ពោធ​ដាក់​អោយ​ប្រើ​ប្រាស់​ជា​ផ្លូវ​ការ​ នូវ​ប្រព័ន្ធ​ខ្សែ​បញ្ជូន​តង់​ស្យុង​ខ្ពស់​ ២៣០គីឡូវ៉ុល​ តាកែវ​-កំពត​ និង​ប្រព័ន្ធ​បណ្តាញ​តង់​ស្យុង​មធ្យម​ ២២គីឡូវ៉ុល​ ក្នុង​ខេត្ត​តាកែវ​ កំពត​ កំពង់​ស្ពឺ​ នៃគម្រោង​ខែ្ស​បញ្ជូន​តាកែវ​-កំពត​ និងគម្រោង​អគ្គិសនី​កម្ម​ជន​បទ​ភាគ​ខាង​ត្បូង​ប្រទេស​កម្ពុជា​ ក្នុង​ក្រប​ខ័ណ្ឌ​ជំនួយ​របស់​សាធារណ​រដ្ឋ​សហព័ន្ធ​អាឡឺម៉ង់​ តាម​រយៈ​ KfW នៅក្នុង​បរិវេណ​វត្ត​​ត្រពាំង​     ​អណ្តើក​​ ភូមិឬស្សីមួយគុម្ព ​ឃុំ​អូរ​សារាយ​ ស្រុក​ត្រាំកក់​ ខេត្ត​តាកែវ​ ក្រោម​អធិបតីភាពឯកឧត្តម អ៊ិត ប្រាំង រដ្ឋលេខាធិការក្រសួងរ៉ែ និង​ថាមពល​ តំណាងឯកឧត្តម ស៊ុយ​ សែម​ រដ្ឋមន្ត្រី​ក្រសួងរ៉ែ និង​ថាមពល​ និង​ឯកឧត្តម​ Joachim Baron von Marschall ឯកអគ្គរដ្ឋទូត​ នៃ​សាធារណរដ្ឋ​សហព័ន្ធ​អាឡឺម៉ង់​ប្រចាំ​ព្រះរាជាណាចក្រកម្ពុជា​ ។ 

ការប្រជុំពិភាក្សាដោះស្រាយបញ្ហានាឡិកាស្ទង់ និងថ្លៃលក់អគ្គិសនី នៅក្នុងឃុំកោះស្តេច ស្រុកគីរីសាគរ ខេត្តកោះកុង

យោងតាមលិខិតស្នើសុំលេខ០១ ចុះថ្ងៃទី២៥ ខែមករា ឆ្នាំ២០១៥ របស់​អ្នក​ប្រើប្រាស់​តាម​រយៈ​លោក​មេភូមិ​កោះស្តេច​ និង​លោក​ឃុំ​កោះស្តេច​ ស្រុក​គិរីសាគរ​ ខេត្ត​កោះកុង​ បានស្នើ​សុំ​មន្ត្រី​ជំនាញ​របស់​អាជ្ញាធរ​អគ្គិសនី​កម្ពុជា​ចុះពិនិត្យ​នាឡិកា​ស្ទង់​ និងថ្លៃ​លក់​អគ្គិសនី​ដែល​​មាន​តម្លៃ​ខ្ពស់​។ តាមរយៈ​លិខិត​ខាងលើ​ អាជ្ញាធរ​អគ្គិសនី​កម្ពុជា​បាន​ចាត់​មន្ត្រី​ជំនាញ​ចុះ​ពិនិត្យ​ និង​ដោះស្រាយ​បញ្ហា​ខាង​លើ​ដល់​ទី​កន្លែង​ផ្ទាល់​នៅ​​ឃុំ​កោះស្តេច​ ស្រុក​គិរីសាគរ​ ខេត្ត​កោះកុង​។ នៅវេលា​ម៉ោង​ ២:០០រសៀល​ថ្ងៃទី​១០ ខែកុម្ភៈ​ ឆ្នាំ២០១៥ មាន​ការ​បើក​ប្រជុំ​ពិភាក្សា​បញ្ហា​ខាង​លើ​នៅ​សាលា​ឃុំ​កោះ​ស្តេច​ដែលមាន​សមាសភាព​ចូលរួម​៖ ប្រធាន​មន្ទីររ៉ែ និងថាមពល​ ខេត្ត​កោះកុង មន្ត្រីអាជ្ញាធរអគ្គិសនីកម្ពុជាចំនួន ៣រូប​ លោកមេឃុំ​កោះស្តេច លោកមេភូមិកោះស្តេច​​ សេវាករ​ អាន់ សំឡាន់ និង​អ្នកប្រើប្រាស់​អគ្គិសនី​ប្រមាណ​ ៥០នាក់​ ។

សេចក្តី​ជូនដំណឹង​ដល់​អ្នកកាន់​អាជ្ញាប័ណ្ណ​ ធ្វើ​សេវាកម្ម​អគ្គិសនី​ក្នុង​ព្រះ​រាជាណាចក្រ​កម្ពុជា​ទាំង​អស់​ស្តីពី​ ការផ្គត់ផ្គង់អគ្គិសនី​ជូនលំនៅ​ដ្ឋាន​ប្រជា​ពលរដ្ឋ​ក្រី​ក្រ​ ផ្ទះជួល​ និង​បន្ទប់​ជួល​នៅ​តំបន់​ផ្សេង​ៗ​ក្រៅ​ពី​តំបន់​របស់​អគ្គិសនី​កម្ពុជា​

273-LT-15-1273-LT-15-2

សេច​ក្តី​ប្រកាស​រួម​របស់​អាជ្ញាធរ​អគ្គិសនី​កម្ពុជា និង​អគ្គិសនី​កម្ពុជា អំពី​គោល​ការណ៍ និង​លក្ខខណ្ឌ​សម្រាប់​អនុញ្ញាត​ឲ្យ​ភ្ជាប់​ចរន្ត​ផ្ទាល់​ពី​ទ្វា​ចរន្តនៃ​​អនុស្ថានីយ​បណ្តាញ​ជាតិ

សេចក្តីប្រកាស1សេចក្តីប្រកាស-2

ការប្រជុំពិភាក្សាដោះស្រាយ​បញ្ហា​ដាំ​បង្គោល​អគ្គិសនី​នៅ​ក្នុង​ភូមិ​សែន​ភាស ឃុំ​ទ្រា ស្រុក​សំរោង ខេត្ត​តាកែវ

​នៅថ្ងៃទី២៧ ខែមករា ឆ្នាំ២០១៥​ នៅវត្តពោធិ៍មាសបាន​រៀប​ចំ​ការ​ប្រជុំពិភាក្សាដោះស្រាយបញ្ហាដាំ បង្គោលអគ្គិសនី​តង់​ស្យុង​មធ្យមកំពស់១២ម៉ែត្រ ដើម្បីផ្គត់ផ្គង់អគ្គិសនីទៅក្នុងភូមិសែនភាស ឃុំទ្រា ស្រុកសំរោង ខេត្តតាកែវ ដោយមានវត្តមានចូលរួមពីតំណាងអាជ្ញាធរអគ្គិសនីកម្ពុជា គឺលោក យឹម វិសិដ្ឋ ប្រធាននាយកដ្ឋានសេវាកម្មផ្គត់ផ្គង់ និងកិច្ចការអ្នកប្រើប្រាស់  លោកមេភូមិ លោកមេឃុំ ព្រះសង្ឃ ប្រជាពលរដ្ឋប្រមាណ ១០០នាក់ និងតំណាងរបស់សេវាករ ពេជ្រ សុភាព ដែលធ្វើសេវាកម្មអគ្គិសនីនៅទីនោះ។

អត្រាថ្លៃលក់អគ្គិសនីរបស់អ្នកកាន់​អាជ្ញាប័ណ្ណ​ដែល​ត្រូវ​បាន​អាជ្ញាធរ​អគ្គិសនី​កម្ពុជា​​កំណត់​ជាតារាង​ប្រែប្រួល​តាម​ថ្លៃប្រេង​ឥន្ធនៈ ​សម្រាប់​ការប្រើប្រាស់​អគ្គិសនី​ក្នុង​ខែមករា​ ឆ្នាំ២០១៥​

Lists of Permission Tariff by FAS

សន្និបាតបូក​សរុប​លទ្ធផល​ការងារ​ប្រចាំឆ្នាំ ២០១៤ របស់​អាជ្ញាធរ​អគ្គិសនី​កម្ពុជា

ថ្ងៃទី ២២ ខែមករា ឆ្នាំ២០១៥ អាជ្ញាធរអគ្គិសនីកម្ពុជាបានរៀបចំ សន្និបាតបូកសរុបលទ្ធផលការងារប្រចាំឆ្នាំ២០១៤ នៅ​សណ្ឋា​គារ សូហ្វីតែល ភ្នំពេញ ភូគីត្រា ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ុយ សែម រដ្ឋមន្ត្រីក្រសួង រ៉ែ និង​ថាម​ពល។

ការថ្លឹងនាឡិកាស្ទង់នៅឃុំស្រែណូយ ស្រុកវ៉ារិន ខេត្តសៀមរាប

កាលពីថ្ងៃទី១៦-១៩ ខែធ្នូ ឆ្នាំ២០១៤ កន្លងទៅនេះ មន្ត្រី​អាជ្ញាធរ​អគ្គិសនី​ចំនួន​៥រូប បាន​ចុះ​បេស​ក​កម្ម​ទៅ​កាន់​ខេត្ត​សៀម​រាប ដើម្បី​ធ្វើ​តេស្ត​នាឡិកា​ស្ទង់​តាម​សំណើ​របស់​អ្នក​ប្រើ​ប្រាស់ និង​តាម​ដាន​ការ​អនុវត្តន៍​បច្ចេក​ទេស​ផ្គត់​ផ្គង់ និង​ថ្លៃ​សេវាកម្ម​ពាក់​ព័ន្ធ​របស់​សេវាករ​នៅ​ខេត្ត​សៀម​រាប។ មន្ត្រី​ជំ​នាញ​បាន​ធ្វើ​តេស្ត​នាឡិកា​ស្ទង់​ក្នុង​តំបន់​ធ្វើ​សេវាកម្ម​អគ្គិសនី​របស់​សេវាករ ឡុង គឹមហេង នៅ​ឃុំ​ស្រែ​ណូយ ស្រុក​វ៉ារិន ខេត្ត​សៀម​រាប ដែល​មាន​អ្នក​ប្រើប្រាស់​ចំនួន​៦០នាក់ បាន​ស្នើ​សុំ ដោយ​ពួក​គាត់​សង្ស័យ​ថា នាឡិកា​ស្ទង់​ពួក​គាត់​ដើរ​លឿន​ខុស​ប្រក្រតី ដោយ​មាន​ការ​ចូល​រួម​ពី​តំណាង​អាជ្ញាធរ​មូល​ដ្ឋាន​រួម​មាន លោក​មេ​ឃុំ​ស្រែ​ណូយ លោក​ក្រុម​ប្រឹក្សា​ស្រុក​វ៉ារិន សេវាករ ឡុង គឹមហេង និង​អ្នក​ប្រើ​ប្រាស់​ជា​ម្ចាស់​នាឡិកា​ស្ទង់​ជា​ច្រើន​នាក់។ ជា​លទ្ធ​ផល​ ក្នុង​ចំណោម​នាឡិកា​ស្ទង់​ចំនួន​១២គ្រឿង ដែល​បាន​ពិនិត្យ និង​ធ្វើ​តេស្ត មន្ត្រី​ជំនាញ​មិន​បាន​រក​ឃើញ​នាឡិកា​ស្ទង់​ណា​មួយ​ដើរ​លឿន​ខុស​ប្រក្រតី​នោះ​ទេ គឺ​សុទ្ធ​តែ​ស្ថិត​ក្នុង​ស្តង់​ដារ​កំណត់ (±២%) ។ សូម​បញ្ជាក់​ថា ក្នុង​ចំណោម​អ្នក​ប្រើ​ប្រាស់​ចំនួន​៦០នាក់មាន​តែ​​១២នាក់​​ទេ​ដែល​បាន​យក​នាឡិកា​ស្ទង់​មក​ឱ្យ​មន្ត្រី​ជំនាញ​ពិនិត្យ និង​ធ្វើ​តេស្ត​ជូន ក្រៅ​ពី​នេះ​ពួក​គាត់​មិន​បាន​យក​មក​ធ្វើ​តេស្ត​ទេ ព្រោះ​គិត​ថា​នាឡិកា​ស្ទង់​របស់​ខ្លួន​មិន​ខុស​ពី​នាឡិកា​ស្ទង់​របស់​អ្នក​ដែល​បាន​យក​មក​ធ្វើ​តេស្ត​ឡើុយ​។ លទ្ធ​ផល​នៃ​ការ​ធ្វើ​តេស្ត​ត្រូវ​បាន​ធ្វើ​កំណត់​ហេតុ​ដោយ​មាន​ចុះ​ហត្ថ​លេខា​ទទួល​ស្គាល់​ពី​មន្ត្រី​ជំនាញ​អាជ្ញាធរ​អគ្គិសនី​កម្ពុជា តំ​ណាង​អាជ្ញាធរ​មូលដ្ឋាន សេវាករ និង​អ្នក​ប្រើ​ប្រាស់​ជា​ម្ចាស់​នាឡិកា​ស្ទង់ ។ ក្រុម​ការងារ​ក៏​បាន​ពន្យល់​ពី​មូល​ហេតុ​ដែល​បណ្តាល ឱ្យ​ថាម​ពល​ប្រើប្រាស់​កើន​ឡើង របៀ​ប​ត្រួត​ពិនិត្យ​តាម​ដាន​ថាម​ពល​ប្រើ​ប្រាស់ វិធី​សន្សំ​សំចៃ​ថាមពល សិទ្ធិ​របស់​អ្នក​ប្រើ​ប្រាស់ និង​ទោស​បញ្ញត្តិ​នៃ​ការ​កែ​ច្នៃ​នាឡិកា​ស្ទង់ ជាដើម ។ ក្រោយ​ពី​បាន​ធ្វើ​តេស្ត អ្នក​ប្រើ​ប្រាស់​ទាំងអស់​ក៏​អស់​ការ​សង្ស័យ​លើ​នាឡិកា​ស្ទង់​របស់​ខ្លួន និង​តាម​ដាន​ការ​ប្រើ​ប្រាស់​របស់​ខ្លួន… អានបន្តរ »

ពិធីសម្ភោធវារីអគ្គិសនីស្ទឹងឬស្សីជ្រុំក្រោម ដែលមានអនុភាព ៣៣៨ មេហ្គាវ៉ាត់

           ពិធីសម្ពោធដាក់ឱ្យប្រើប្រាស់វារីអគ្គិសនីស្ទឹងឫស្សីជ្រុំក្រោម ស្ថិតនៅ ឃុំបាក់ខ្លង ស្រុកមណ្ឌលសីមា ខេត្ដកោះកុង ដែល​មាន​អនុភាព ៣៣៨ មេហ្គាវ៉ាត់ ជា​ផ្លូវ​ការ​កាល​ពី​ព្រឹក​ថ្ងៃទី​១២ ខែមករា ក្រោម​​អធិបតីភាព​​ដ៏​​ខ្ពង់​​ខ្ពស់​​របស់​​សម្ដេច​​អគ្គ​មហា​​សេ​នា​​បតី​តេ​ជោ ហ៊ុន សែន។           វារីអគ្គិសនីស្ទឹងឫស្សីជ្រុំក្រោមដែលជាវារីអគ្គិសនី​មាន​អនុភាព​ធំ​ជាង​គេ​បំផុត​ក្នុង​ព្រះ​រាជា​ណាចក្រ​កម្ពុជា ស្ថិត​នៅ​តំបន់​ជួរ​ភ្នំ​ក្រវាញ ចម្ងាយ​ប្រមាណ​ ៤៩​គី​ឡូ​ម៉ែត្រ ពី​ទី​រួម​ខេត្ដ​កោះកុង ដែល​​ដាក់​ទុន​​វិ​និ​យោគ​​ដោយ​​ក្រុម​ហ៊ុន China Huadian Corporation ជា​ក្រុម​ហ៊ុន​រដ្ឋ​របស់​ប្រទេសចិន ក្នុង​ទំហំ​ទឹកប្រាក់​ជាង ៤៩៥លានដុល្លារ តាម​រយៈ​រូបភាព BOT ក្នុង​រយៈពេល​សម្បទាន ៣៥ឆ្នាំ ក្នុង​នោះ ៥ឆ្នាំ សម្រាប់​ការ​សាង​សង់ និង ៣០ឆ្នាំ សម្រាប់​ធ្វើ​អាជីវកម្ម ។           វារីអគ្គិសនីនេះ​អាច​ផលិត​បរិមាណ​ថាមពល​ប្រចាំឆ្នាំ​បាន​ប្រមាណ ១.០២០លានគីឡូវ៉ាត់ម៉ោង ហើយ​តម្លៃ​លក់​ថាមពល​អគ្គិសនី​ទៅ​ឲ្យ​អគ្គិសនី​កម្ពុជា (EDC) ៧,៧៥សេន​ដុល្លារ​អាមេរិក​ក្នុង​មួយ​គីឡូវ៉ាត់​ម៉ោង ដែល​ផ្ដល់​ចំណូល​ពន្ធ​ចូល​រដ្ឋ​ជា​មធ្យម​​ប្រ​មាណ ១២,៥៥លានដុល្លារ ក្នុង​មួយ​ឆ្នាំ ហើយ​បើ​គិត​រយៈ​ពេល​៣០ឆ្នាំ ទៅ​មុខ​ចំណូល​ពន្ធ​ចូល​រដ្ឋ​ប្រមាណ​ ៣៧៦លាន​ដុល្លារ​អាមេរិក ។           គម្រោង​​វារី​អគ្គិសនី​នេះ​​ត្រូវបាន​ចាប់​ផ្ដើម​បិទ​ស្ទឹង​ដំណើរ​ការ​សាង​សង់​ចាប់​ពី​ថ្ងៃ​ទី ២៨ ខែធ្នូ… អានបន្តរ »