អត្ថបទ៖ ព័ត៌មាន

វេទិការសាធារណៈនៅស្រុកភ្នំក្រវាញ ខេត្តពោធិ៍សាត

កាលពីថ្ងៃទី០៦ ខែកុម្ភៈ ឆ្នាំ២០១៤ អាជ្ញាធរអគ្គិសនីកម្ពុជា បានចាត់តាំងមន្ត្រីចំនួន៥រូប ទៅចូលរួម​ប្រ​ជុំ​​​នៅ​សា​លា​ស្រុក​ភ្នំ​ក្រ​វាញ ខេត្ត​ពោធិ៍​សាត់ តាម​ការ​ស្នើ​សុំ​ពី​លោក​អភិបាល​ស្រុក ។ កិច្ច​ពិ​ភាក្សា បាន​ប្រព្រឹត្ត​ទៅ​ក្រោម​អធិប​តី​ភាព​លោក​ស្រី​អភិបាល​រង​ស្រុក​ដោយ​មាន​ការ​ចូល​រួមពី លោក​មេ​ឃុំ ក្រុម​ប្រឹក្សា​ឃុំ លោក​មេ​ភូមិ តំ​ណាង​អ្នក​ប្រើ​ប្រាស់ សេវាករ អ៊ា ឡៃស៊ាន និង សេវាករ លឹម ប៉ាក់ សរុប​ចំនួន ២៣នាក់ ។ អង្គ​ប្រជុំ​ផ្តោត​សំខាន់​លើ​ចំណុច​មួយ​ចំនួន​រួម​មាន​បញ្ហា​នាឡិកា​ស្ទង់​ដើរ​មិន​ប្រ​ក្រ​តី បញ្ហា​យកថ្លៃ​បន្ថែម ២០​ដុល្លារ៍​អា​មេរិច​លើ​នា​ឡិ​កា​ស្ទង់​​ដូរ​ថ្មី​របស់​សេវាករ និង​បញ្ហា​ចម្ងល់មួយ​ចំនួន​របស់​អ្នក​ប្រើ​ប្រាស់​ទាក់​ទង​នឹង​ការ​ប្រើ​ប្រាស់​អគ្គិសនី។ លោក អ៊ា ឡៃស៊ាន សេវាករអគ្គិសនីបានបំភ្លឺថា ការយកថ្លៃបន្ថែម២០ដុល្លារ គឺចំពោះតែអ្នក​ប្រ​ព្រឹត្ត​ល្មើស​តែ​ប៉ុណ្ណោះ ដូច​ជា​ការ​យក​ឈើ​ទល់ ចាក់​កាវ និង​ខ្ទាស់​ឌី​ស្យង់​ទ័រ​មិន​ឲ្យ​លោត។ មួយ​ទៀត​ចំពោះ​អ្នក​ប្រើ​ប្រាស់​មួយ​ចំនួន​ដែល​ប្រើ​នាឡិកា​ស្ទង់​ចាស់ និង​មិន​បាន​កក់​ប្រាក់​គឺ​តម្រូវ​ឲ្យ​ដូរ​នាឡិកា​ស្ទង់​ថ្មី។ ចំពោះ​បញ្ហា​នាឡិកា​ស្ទង់​ដើរ​មិន​ប្រ​ក្រ​តី អាជ្ញាធរ​អគ្គិស​នី​តម្រូវ​ឲ្យ​យក​នាឡិកា​ស្ទង់​ណា​ដែល​សង្ស័យ​ថា​ដើរ​លឿន ត្រូវ​យក​មក​ថ្លឹង​ឲ្យ​ឃើញ​ជាក់​ស្តែង​ទាំង​អស់​គ្នា។ ក្រោយ​លទ្ធ​ផល​ធ្វើ​តេស្ត​លើ​នា​ឡិ​កា​ស្ទង់​ចំនួន​១១ មាន​​នាឡិកា​ស្ទង់​តែ​១​ប៉ុណ្ណោះ​ដែល​យឺត​ជាង​ស្តង់​ដារ​បច្ចេក​ទេស​នឹង​សេវាករ​​ត្រូវ​ដូរ​ថ្មី​ជូន​អ្នក​ប្រើ​ប្រាស់​ដោយ​ឥត​គិត​ថ្លៃ។ មន្រ្តី​អាជ្ញាធរ​អគ្គិសនី​កម្ពុជា​ក៏​បាន​បំភ្លឺ​បញ្ហា​ចម្ងល់​មួយ​ចំនួន​របស់​អ្នក​ប្រើ​ប្រាស់ ចំពោះ​ចម្ងល់​ថា​អ្នក​ប្រើ​ប្រាស់​មានសិទ្ធ​ទិញ​នាឡិកា​ស្ទង់ និង​ខ្សែរ​ភ្លើង​ខ្លួន​ឯង​បាន​រឺ​ទេ? បំភ្លឺៈ អ្នក​ប្រើ​ប្រាស់​មាន​សិទ្ធ​តាម​ផ្លូវ​ច្បាប់​អាច​ទិញ​សម្ភារៈ​ខ្លួន​ឯង​បាន​តែ​សម្ភារៈ​ទាំង​នោះត្រឹម​ត្រូវ​តាម​ស្តង់​ដា​បច្ចេក​ទេស ។ ចម្ងល់ៈ តើអ្នកប្រើប្រាស់អាចសុំបន្ថែម (អាំពែរ) បានដូចម្តេច?… អានបន្តរ »

ការចុះប្រជុំបំភ្លឺបញ្ហា ថ្លៃលក់អគ្គិសនីដែលកើតឡើងនៅស្រុកអង្គរបូរីខេត្តតាកែវ

នៅថ្ងៃទី១៧ ដល់ថ្ងៃទី១៨ ខែមករាឆ្នាំ២០១៣  អាជ្ញាធរអគ្គិសនីកម្ពុជា បានចាត់តាំងមន្ត្រីចំនួន ០៣ រូប ចូល​រួម​ប្រជុំ​នៅ សា​លា​ស្រុក​មង្គល​បុរី ក្រោម​អធិប​តេយ្យ​ភាព​របស់​លោក​អភិបាល​ស្រុក និង​ដោយ​មាន​ការ​ចូល​រួម​របស់​លោក​មេ​ឃុំ មេ​ភូមិ និង​តំ​ណាង​អ្នក​ប្រើ​ប្រាស់ ដើម្បី​ពិនិត្យ​ករ​ណី​តវ៉ា​សុំ​បញ្ចុះ​ថ្លៃ​អគ្គិសនី​របស់​អ្នក​ប្រើ​ប្រាស់​អគ្គិសនី​នៅ​ស្រុក​អង្គរ​បូរី ខេត្ត​តា​កែវ​ក្នុង​តំបន់​ផ្គត់ផ្គង់​អគ្គិសនី​របស់​សេវាករ នូ គ្រុយ និង សេវាករ ភី ធី ។ កិច្ច​ប្រជុំ​បាន​ប្រ​ព្រឹត្ត​ទៅ​នៅ​សា​លា​ស្រុក​អង្គរ​បូរី​ជា​មួយ​លោក​អភិបាល​ស្រុក​អង្គរ​បុរី លោក​មេ​ឃុំ-មេ​ភូមិ និង​តំ​ណាង​អ្នក​ប្រើ​ប្រាស់ ។ ក្នុង​របៀប​វារៈ​នៃ​អង្គ​ប្រជុំ​មាន​បញ្ហា​មួយ​ដូច​ជា​ការ​ស្នើ​សុំ​បញ្ចុះ​ថ្លៃ​លក់​អគ្គិសនី​ពី ១២០០​រៀល មក​ត្រឹម ១០០០​រៀល, ការ​គិត​ថាម​ពល​អប្ប​បរ​មា ៥Kwh/១ខែ ពី​អ្នក​ប្រើ​ប្រាស់, បញ្ហា​ថ្លៃ​ភ្ជាប់​ចរន្ត​និង​ប្រាក់​កក់, បញ្ហា​ត្រួត​ពិនិត្យ​នាឡិ​កា​ស្ទង់, និង​បញ្ហា​សេវាករ​ខ្វះ​ទំនាក់​ទំនង​ជា​មួយ​អាជ្ញា​ធរ​មូល​ដ្ឋាន។ មន្រ្តី​អាជ្ញា​ធរ​អគ្គិស​នី បាន​បំភ្លឺ​ដល់​អង្គ​ប្រជុំ​ថា​បញ្ហា​សុំ​បញ្ចុះ​ថ្លៃ​លក់​អគ្គិស​នី​អាជ្ញា​ធរ អគ្គិស​នី​កំពង់​សិក្សា​បញ្ចុះ​ថ្លៃលក់ ជា​កញ្ចប់​តែ​ម្តង​ជា​មួយ​ស្រុក​ព្រៃ​កប្បាស ស្រុក​សំរោង និង​ស្រុក​បាទី​នៅ​ពេល​ខាង​មុខ​ឆាប់ ៗ នេះ ។ ចំពោះ​ការ​គិត​ថាមពល​ប្រើ​ប្រាស់​អប្ប​ប​រ​មា​ពី​អ្នក​ប្រើ​ប្រាស់ អាជ្ញាធរ​អគ្គិស​នី​កម្ពុជា​បាន​អនុញ្ញាតិ​ឲ្យ​គិត​1Kwh/១​ខែ​តែ​ប៉ុណ្ណោះ ។ ដូច្នេះ​សេវាករ​ត្រូវ​បញ្ឈប់​ការ​គិត​ថាម​ពល​ប្រើ​ប្រាស់​5Kwh/១ខែ ចាប់​ពី​ពេល​នេះ​ទៅ និង​ត្រូវ​សង​ត្រឡប់​ទៅ​អ្នក​ប្រើ​ប្រាស់​វិញ​ប្រ​សិន​បើ​នៅ​តែ​អនុវត្ត​ខុស​ពី​ការ​កំណត់​ខាង​លើ ។ អាជ្ញាធរ​អគ្គិសនី​កម្ពុជា​បាន​តម្រូវ​ឲ្យ​អ្នក​ផ្គត់​ផ្គង់​ធានា និង​ទទួល​ខុស​ត្រូវ​ថា​នាឡិកា​ស្ទង់​ត្រូវ​តែ​ត្រឹម​ត្រូវ​តាម​ស្តង់​ដារ​បច្ចេក​ទេស​ដែល​បាន​កំ​ណត់ ។ … អានបន្តរ »

វេទិការសាធារណៈ និងបញ្ហារវាងសេវាករ និងអ្នកប្រើប្រាស់នៅខេត្តតាកែវ

នៅវេលាម៉ោង ៨ និង៣០នាទី ព្រឹកថ្ងៃទី២១ ខែមករាឆ្នាំ២០១៤ នៅឃុំក្តាញ់ ស្រុកព្រៃកប្បាស ខេត្តតាកែវ មាន​ការ​រៀប​ចំ​វេទិកា​សា​ធារណៈ​ស្តី​ពី ភូមិ​ឃុំ​មាន​សុ​វត្ថិ​ភាព ក្រោម​អធិប​តី​លោក​អភិ​បាល​ស្រុក​ព្រៃ​កប្បាស ដោយ​មាន​ការ​ចូល​រួម​ពី​អាជ្ញា​ធរ​មូល​ដ្ឋាន ស្រុក ឃុំ និង​ភូមិ តំណាង​អាជ្ញាធរ​អគ្គិសនី សេវាករ អ៊ូច ប៉ោរ សេវាករ អ៊ូច គា សេវាករ ង៉ែត ម៉េង លោក ឈួ ឡៃ  ប្រធាន​សហ​គ្រាស អគ្គិស​នី ស៊ី អិល ព្រៃក​ប្បាស និង​ប្រជា​ជន​នៅ​ក្នុង​ឃុំ​ក្តាញ់ ។ ក្នុង​វេទិកា​នេះ លោក​អភិបាល​បាន​លើក​ឡើង​ពី​គោល​ការណ៍ ៩​ចំនុច ដើម្បី​អោយ​ភូមិ និង​ឃុំ​មាន​សុ​វត្ថិ​ភាព​ល្អ និង​បាន​លើក​ឡើង​ថា ការ​មាន​អគ្គិស​នី​តាម​ភូមិ ក្នុង​ស្រុក​ព្រៃ​កប្បាស​បាន​ដើ​តួនាទី​សំខាន់​ដែរ​ធ្វើ​ឲ្យ​អាជ្ញាធរ​មូលដ្ឋាន និង​អាជ្ញាធរ​អគ្គិសនី​កម្ពុជា ជួយ​ដោះ​ស្រាយ ដែល​មាន​ខ្លឹម​សារ​សង្ខេប​ពាក់​ព័ន្ធ​ការ​ផ្គត់ផ្គង់​អគ្គិសនី​ដូច​ខាង​ក្រោម៖ ១. តំណាងអ្នកប្រើប្រាស់សុំឲ្យសេវាកររៀបចំបង្គោលនិងខ្សែភ្លើងនៅមុខក្បាលដីគាត់ឲ្យសមស្រប ។ ២. តំណាងអ្នកប្រើប្រាស់សុំឲ្យសេវាករឈប់បង្ខំឲ្យប្រជាជនទិញខ្សែភ្លើង និងបរិក្ខាអគ្គិសនី ដែល​មាន​តម្លៃ​ខ្ពស់ និង​សុំ​ឲ្យ​ប្រជាជន​អាច​ទិញ​ពី​ផ្សារ​មក​ប្រើបាន ។… អានបន្តរ »

ការធ្វើតេស្តកុងទ័រនៅស្រុកបាកាន ខេត្តពោធិ៍សាត

នៅថ្ងៃទី​២៤ដល់ថ្ងៃទី២៦ ខែធ្នូ ឆ្នាំ២០១៣ អាជ្ញាធរ​​អគ្គិសនីកម្ពុជា បានចាត់តាំងមន្ត្រីចំនួន​០៣​រូប​ដើម្បី​ចុះ​ធ្វើ​ការ​ត្រួត​ពិនិត្យ និង​ធ្វើ​​តេស្ត​​នាឡិកា​ស្ទង់​តាម​សំណើ​របស់​អ្នក​ប្រើប្រាស់​ចំនួន​៥៧នាក់​នៅ​​សា​​លា​​​ឃុំ​បឹង​ខ្នារ ស្រុក​បា​កាន ខេត្ត​ពោធិ៍សាត់ ក្នុង​តំបន់​ធ្វើ​សេវាកម្ម​អគ្គិសនី​​របស់​​សេវាករ ឈួ ងួន។ សូម​បញ្ជាក់​ថា ការស្នើសុំឲ្យមានការចុះពិនិត្យនាឡិកាស្ទង់នេះអ្នកប្រើប្រាស់គ្រាន់តែចង់បញ្ជាក់ថា​ នាឡិកា​​ស្ទង់​​​របស់​ពួក​​​គាត់​​​​លឿន​​​ឬយឺត​​​ប៉ុណ្ណោះ​ ពុំ​មាន​ការ​ទូទាត់​សំណង​ទៅ​ភាគី​ណា​មួយ​លើ​កំរិត​ល្អៀង​​ដែល​​លើស​​ពី​ស្តង់ដា​កំណត់​នោះ​ទេ​ដែល​យោង​​តាម​​ល័ក្ខខ័ណ្ឌ​​ទូទៅ​ នៃ​​ស្តង់​​ដា​​បច្ចេក​​ទេស​​អគ្គិសនី​​ក្នុង​​ព្រះ​រាជា​​ណាច​ក្រ​កម្ពុជា ប្រកាស​ដោយ​ក្រសួង រ៉ែ និង​ថាមពល បាន​​​កំណត់​​ថា​នាឡិការស្ទង់​​​អគ្គិសនី​​តង់​​ស្យុង​ទាប ដែល​មាន​ភាព​ត្រឹម​ត្រូវ​គឺ​មិន​ត្រូវ​មាន​អត្រា​លំអៀង​លើ ឬ ក្រោម 2% ឡើយ។ ជាក់ស្តែង នៅក្នុងការធ្វើតេស្តតាមលក្ខណៈបច្ចេកទេសរបស់មន្ត្រីអាជ្ញា​ធរ​អគ្គិសនីកម្ពុជា មាន​ការ​ចូល​រួម​របស់​តំ​ណាង​មន្ទីរ រ៉ែ និង​ថាម​​ពល តំណាង​អាជ្ញាធរ​មូលដ្ឋាន តំណាង​សេវាករ​និង​អ្នក​ប្រើ​ប្រាស់ ។ លទ្ធផល​នៃ​ការ​ធ្វើ​តេស​នាឡិកា​ស្ទង់​​ចំនួន​៤៥​គ្រឿង បង្ហាញ​ឲ្យ​ឃើញ​ថា​នាឡិកា​​ស្ទង់​ទាំង​៤៥គ្រឿង​សុទ្ធ​តែ​មាន​កំរិត​លំអៀង​ស្ថិត​ក្នុង​ស្តង់ដា​​កំណត់ (គឺលើ  ឬ ក្រោម ២%) ។ លទ្ធផល​​នៃ​​ការ​ធ្វើ​​តេស្ត​​ត្រូវ​​បាន​ព្រីន​ចេញ និង​ភ្ជាប់​ជាមួយ​​កំណត់​ហេតុ ដែល​ចុះ​ហត្ថលេខា​ទទួល​ដឹង​ឮ​ពី​គ្រប់​ភាគី​ចូល​រួម ។ មន្ត្រី​ជំនាញ​អាជ្ញាធរ​អគ្គិសនី​កម្ពុជា ក៏​បាន​ពន្យល់​​ពី​មូលហេតុ​ដែល​​បណ្តាល​​ឲ្យ​​ថាម​ពល​ប្រើ​ប្រាស់​​កើន​ឡើង នី​តិវិធី​នៃ​ការ​ត្រួត​ពិនិត្យ​តាមដាន​ថាមពល​ប្រើប្រាស់ វិធី​សន្សំ​សំចៃ​ថាមពល​ក៏​ដូច​ជា​ទោស​បញ្ញត្តិ នៃ​ការ​ប្រើប្រាស់​អគ្គិសនី​ក្រៅ​នាឡិកា​ស្ទង់​ទោស​បញ្ញត្តិ នៃ​ការ​រុះរើ​កែ​ច្នៃ​​នាឡិកា​​​ស្ទង់​ធ្វើ​​ដើរ​​លឿន  ឬ យឺត​ខុស​ប្រក្រតី​ដល់​គ្រប់​ភាគី​ពាក់​ព័ន្ធ ។​ សរុប​ជា​រួម​ថា​នាឡិកាស្ទង់ដើរលឿនគឺជា​អារម្មណ៍ ឬ… អានបន្តរ »

ការបញ្ចុះថ្លៃលក់តំបន់មួយចំនួនក្រោមខ្សែរបញ្ជូនរបស់ក្រុមហ៊ុន BVC

រសៀលថ្ងៃទី៩ ខែមករា ឆ្នាំ២០១៤ នៅសាលាខេត្តកំពង់ធំ មន្ត្រីអាជ្ញាធរអគ្គិសនីកម្ពុជាចំនួន​០៤​នាក់​ត្រូវ​បាន​ចាត់​តាំង​ឲ្យ​ចូល​រួម​ប្រជុំ​ពិភាក្សា​បញ្ចុះ​អត្រា​ថ្លៃ​លក់​អគ្គិសនី​បន្តិច​ម្តងៗ របស់​សេវាករ​ចែក​ចាយក្រោម​ខ្សែ​បញ្ចូន​រង​ក្រុម​ហ៊ុន ប៊ីវីស៊ី (សេវាករ​ដែល​ជាវ​អគ្គិសនី​ដុំ​ពី​ក្រុម​ហ៊ុន ប៊ីវីស៊ី រួច​ចែក​ចាយ​បន្ត​លក់​ឲ្យ​អតិថិ​ជន​តាម​តំបន់​រៀងៗខ្លួន) ក្រោម​អធិបតី​ភាព​ឯកឧត្តម  អ៊ុត សំអន អភិបាល​ខេត្ត​កំពង់ធំ ជា​ប្រធាន​អង្គ​ប្រជុំ និង​មាន​សមាស​ភាព​ចូល​រួម​មាន​២៣នាក់៖ លោក គង់ វិមាន ជា​អភិបាល​រង​ខេត្ត​ទទួល​បន្ទុក​ផ្នែក​អគ្គិសនី ក្រុម​ប្រឹក្សា​ខេត្ត ប្រធាន​មន្ទីរ​ឧស្សា​ហ​កម្ម រ៉ែ និង​ថាមពល​ខេត្ត អាជ្ញាធរ​ក្រុង​ស្ទឹង​សែន អាជ្ញាធរ​ស្រុក សង្កាត់-​ឃុំពាក់ព័ន្ធ តំណាង​ក្រុម​ហ៊ុន​ប៊ីវីស៊ី និង​សេវាករ​ចែក​ចាយ​ពាក់​ព័ន្ធ ។ អង្គ​ប្រជុំ​បាន​ធ្វើ​ការ​ពិ​ភាក្សា​គ្នា​​ពី​លទ្ធភាព​ថ្លៃលក់ អគ្គិសនី​ដែល​ត្រូវ​បញ្ចុះ​បន្ត​ពី ១,៥០០ រៀល​ក្នុង​មួយ​គីឡូវ៉ាត់​ម៉ោង​មក​ទៀត ដោយ​យោង​តាម​ស្មារតី​អង្គ​ប្រជុំ​កាល​ពី​ថ្ងៃ​ទី​២០ ខែ​ឧសភា ឆ្នាំ​២០១៣ ស្តី​ពី​សម្រេច​បញ្ចុះ​អត្រា​ថ្លៃ​លក់​អគ្គិសនី​ពី ២,១៥០រៀល​/kWh ជា​បន្ត​បន្ទាប់​រហូត​ដល់ ១,៥០០​រៀល​/kWh នៅ​ដំណាច់​ឆ្នាំ​២០១៣ ។ មុន​ចាប់​ផ្តើម​ពិភាក្សា លោក តេង សុខុមាល នាយក​បញ្ជី​ថ្លៃលក់​នៃ​អាជ្ញាធរ​អគ្គិសនី​កម្ពុជា​បាន​ពន្យល់​ដល់​អង្គ​ប្រជុំ​អំពី​ស្ថានភាព​ថ្លៃលក់​អគ្គិសនី​ទូទៅ​នៅ​ក្នុង​ព្រះ​រាជា​ណា​ចក្រ​កម្ពុជា ដែល​កំណត់​ទៅ​តាម​ថ្លៃ​ប្រភព​ឲ្យ​ទៅ​សេវាករ​ចែកចាយ ប្រភព​ពី​បណ្តាញ​បញ្ជូន​ជាតិ ប្រភព​ជិតខាង និង​ប្រភព​ពី​ម៉ាស៊ីន​ដូស្យែល​តូចៗ ។ល។ ដោយ​ឡែក​អង្គ​ប្រជុំ​ពេល​នេះ ពិភាក្សា​លើ​លទ្ធភាព… អានបន្តរ »

ប្រជុំពិភាក្សាប្តូរអត្រាថ្លៃលក់អគ្គិសនីពីប្រាក់បាត មកប្រាក់រៀល នៅឃុំអូបីជាន់ ស្រុកអូរជ្រៅ ខេត្តបន្ទាយមានជ័យ

នៅថ្ងៃទី១០ ខែមករា ឆ្នាំ២០១៤ នៅសាលាឃុំអូបីជាន់ ស្រុកអូជ្រៅ ខេត្តបន្ទាយមានជ័យ អាជ្ញាធរ​អគ្គិសនី​កម្ពុជា​បាន​ចាត់​​តាំង​មន្ត្រី​ចំនួន ០៤ រូប ឲ្យ​ចូលរួម​ពិភាក្សា​សម្រប​សម្រួល ប្តូរ​អត្រា​ថ្លៃ​លក់​​អគ្គិសនី​ពី​ប្រាក់​បាត មក​ជា​ប្រាក់​រៀល​ក្រោម​អធិបតី​ភាព​លោក ខាត់ សារ៉ាន់ អភិបាលរង​ស្រុក​អូជ្រៅ​ជា​ប្រធាន​អង្គប្រជុំ និង​មាន​សមាសភាព​ចូល​រួមមាន​៣៩នាក់ ៖ ជំទប់​ឃុំអូរបីជាន់ ក្រុមប្រឹក្សាឃុំ មេប៉ុស្ត មេភូមិ ប្រជាពលរដ្ឋ​អ្នក​ប្រើប្រាស់​អគ្គិសនី សេវាករ ជុន រិទ្ធី និង​តំ​ណាង​អាជ្ញាធរ​អគ្គិសនី​កម្ពុជា។ កន្លងមក អាជ្ញាធរអគ្គិសនីកម្ពុជាបានចុះមកប្រជុំពិគ្រោះយោលបល់ កំណត់ថ្លៃលក់អគ្គិសនីម្តង​រួច​មក​ហើយ​ដោយ​ពេល​នោះ​អង្គ​ប្រជុំ​ឯកភាព​គ្នា​ជា​ឯកច្ឆ័ន កំណត់​ថ្លៃ​លក់​ក្រោយ​ពេល​ភ្ជាប់​យក ប្រភព​អគ្គិសនី​ពី ក្រុម​ហ៊ុន អានកូ មក​ជំនួស​ការ​បញ្ឆេះ​ម៉ាស៊ីន​ដែល​​មុន​ពេល​ភ្ជាប់​អគ្គិសនី​មាន​តម្លៃ ៣,៤០០រៀល/kWh មក​ឲ្យ​សេវាករ ជុន រិទ្ធី លក់ថ្លៃ១៧បាត/kWhរួច ៣ ខែចុះ ១ បាត ជា​បន្ត​បន្ទាប់​រហូត​ដល់ ១២បាត/kWh ដោយ​សារ​សេវាករ ជុន រិទ្ធី ទិញ​ថាម​ពល​ពី​ក្រុមហ៊ុន អានកូ ជាប្រាក់​បាត និង​មាន​អត្រា​ចុះ​ជា​បន្ត​បន្ទាប់។ រហូត​ដល់​ចុង​ខែវិច្ចិកា ឆ្នាំ២០១៣​នេះ ប្រជាពលរដ្ឋ​បាន​ស្នើ​សុំ​ឲ្យ​អាជ្ញាធរ​អគ្គិសនី​កម្ពុជា… អានបន្តរ »

ការប្រជុំប្រកាសថ្លៃលក់តម្លៃ១២០០រៀល នៅខេត្តកណ្តាល និងខេត្តព្រៃវែង

នៅថ្ងៃទី២០ ដល់ថ្ងៃទី២២ ខែមករា ឆ្នាំ២០១៤នេះអាជ្ញាធរអគ្គិសនីកម្ពុជា បានចាត់តាំង​ឲ្យ​​មន្ត្រី​ចុះ​ប្រជុំ​ប្រកាស​ផ្សព្វផ្សាយ​សេចក្តី​ជូន​ដំណឹង​របស់​អាជ្ញាធរ​អគ្គិសនី​កម្ពុជា ស្តី​អំពី​ការ​បញ្ចុះ អត្រា​ថ្លៃលក់​អគ្គិសនី​ឲ្យ​អ្នក​កាន់​អាជ្ញាប័ណ្ណ​មួយ​ចំនួន​ស្រុក​ខ្សាច់​កណ្តាល​ ស្រុក​ល្វា​ឯម ខេត្ត​កណ្តាល ​ស្រុក​ពារាំង ស្រុកស្វាយអន្ទរ និងស្រុក​កំចាយ​មា  ខេត្តព្រៃវែង។ នៅក្នុងកិច្ចប្រជុំខាងលើ ដែលបានប្រព្រឹត្តទៅនៅសាលាស្រុកទាំងប្រាំគឺ សាលាស្រុកខ្សាច់កណ្តាល សាលា​ស្រុក​ល្វា​ឯម សាលា​ស្រុក​ពារាំង សាលា​ស្រុក​ស្វាយ​អន្ទរ និង​សា​លា​ស្រុក​កំចាយ​មា ខេត្ត​ព្រៃវែង ក្រោម​អធិប​តេយ្យ​ភាព លោក​អភិបាល​ស្រុក អាជ្ញាធរ​ដែនដី អ្នក​កាន់​អាជ្ញាប័ណ្ណ និង​ប្រជាពលរដ្ឋ អាជ្ញាធរ​អគ្គិសនី​កម្ពុជា​បាន ជម្រាប​ជូនអង្គ​ប្រជុំ​ពី​ភារ​កិច្ច និង​តួនាទី​របស់​អាជ្ញាធរ​អគ្គិសនី​កម្ពុជា ក្នុង​ការ​កំណត់ និង​កែ​សម្រួល​ថ្លៃលក់​អគ្គិសនី​ស្រប​តាម ច្បាប់​ស្តី​ពី​អគ្គិសនី​នៃ​ព្រះ​រា​ជា​ណា​ចក្រ​កម្ពុជា និង​អនុ​ក្រឹត្រ​ពី​គោល​ការណ៍​វាយ​តម្លៃ​ភាព​ត្រឹម​ត្រូវ​នៃ​ចំណាយ​ក្នុង​អា​ជីវ​កម្ម​អគ្គិសនី ។ បន្ទាប់​មក​ទៀត​មន្រ្តី​អាជ្ញាធរ​អគ្គិសនី ក៏​បាន​ជម្រាប​ជូន​អង្គ​ប្រជុំ​អំពី​​សេចក្តី​ជូន​ដំណឹង​របស់​អាជ្ញាធរ​អគ្គិសនី​កម្ពុជា ស្តី​ពី​ការ​កែ​សម្រួល​បញ្ចុះ​អត្រា​ថ្លៃ​លក់​អគ្គិសនី​ពី ១,៣០០រៀល ក្នុង​១​គីឡូវ៉ាត់​ម៉ោង មក​អត្រា​ថ្លៃ​លក់​១,២០០​រៀល​ក្នុង១​គីឡូវ៉ាត់​ម៉ោង​វិញ ដោយ​គិត​លើ​ការ​ប្រើ​ប្រាស់​ថាម​ពល​ចាប់​ពី​ថ្លៃ​ទី​២០ ខែ​មករា ឆ្នាំ​២០១៤​នេះ​ត​ទៅ និង​បាន​ពន្យល់​ពី​ក្នុង​ការ​កំណត់​ប្រាក់​កក់ និង​ប្រាក់​ភ្ជាប់​ចរន្ត​ដោយ​អនុវត្ត​តាម​សេចក្តី​សម្រេច ស្តី​ពី​កា​កំណត់​ការ​ភ្ជាប់​ចរន្ត និង​ប្រាក់​កក់​ធានា​ការ​ប្រើប្រាស់​អគ្គិសនី​សម្រាប់​អ្នក​ស្នើ​សុំ​ថ្មី​ភ្ជាប់​ចរន្ត​អគ្គិសនី នៅ​ក្នុង​ព្រះ​រា​ជា​ណា​ចក្រ​កម្ពុជា។